ఏయూలో క్రిప్టోగ్రఫీ, బ్లాక్‌చైన్ టెక్నాలజీ ముగిసిన వర్క్ షాప్

ఘట్ కేసర్,(విజయక్రాంతి): అనురాగ్ యూనివర్సిటీలోని కృత్రిమ మేధస్సు విభాగం, ప్రతిష్ఠాత్మకమైన ఐఎస్ఈఎ ప్రాజెక్ట్ ఆధ్వర్యంలో వర్క్ షాప్ ఏయుడిఎఓ క్లబ్‌తో కలిసి, బ్లాక్ చైన్, క్రిప్టోగ్రఫీ అనే రెండు రోజుల వర్క్‌షాప్‌ను  నిర్వహించి ముగించింది. ఈకార్యక్రమం విద్యార్థులకు బ్లాక్‌చైన్ టెక్నాలజీ, క్రిప్టోగ్రఫీ, వెబ్3, సైబర్‌ సెక్యూరిటీ రంగాలకు సంబంధించిన కంటైనరైజేషన్ టూల్స్‌పై బలమైన పునాది జ్ఞానం, ప్రాయోగిక అనుభవాన్ని అందించేందుకు రూపొందించబడింది.

ప్రారంభోత్సవ సమావేశంలో విభాగాధిపతి డాక్టర్ ఎ. మల్లికార్జునరెడ్డి పాల్గొని ఈ-గవర్నెన్స్, డిజిటల్ ఐడెంటిటీ, ఫైనాన్స్ మరియు హెల్త్‌కేర్ వంటి రంగాలలో సురక్షిత డిజిటల్ మార్పును సాధించడంలో క్రిప్టోగ్రఫీ, బ్లాక్‌చైన్ ప్రాధాన్యతను వివరించారు. డిజిటల్ యుగంలో పెరుగుతున్న అవసరాలను దృష్టిలో ఉంచుకుని సైబర్ సెక్యూరిటీ, డిస్ట్రిబ్యూటెడ్ సిస్టమ్స్ సెక్యూర్ కోడింగ్‌లో నైపుణ్యాలను పెంపొందించుకోవాలని విద్యార్థులను ప్రోత్సహించారు.