జాతీయ రహదారిపై ఘోర రోడ్డు ప్రమాదం

హైదరాబాద్: నంద్యాల జిల్లాలోని ధోన్ సమీపంలో బెంగళూరు-హైదరాబాద్ జాతీయ రహదారిపై(Bangalore-Hyderabad National Highway) శుక్రవారం జరిగిన రోడ్డు ప్రమాదంలో ముగ్గురు వ్యక్తులు మరణించారు. వారు ప్రయాణిస్తున్న కారు క్రేన్‌ను ఢీకొట్టడంతో ఈ ప్రమాదం జరిగింది. కర్ణాటకకు చెందిన ప్రమోద్ తన కుటుంబంతో కలిసి హైదరాబాద్‌కు ప్రయాణిస్తుండగా, జగదూతి గ్రామం సమీపంలో ఎదురుగా వస్తున్న క్రేన్ అతన్ని ఢీకొట్టింది.

ఈ ప్రమాదంలో కారు ముందు భాగం నుజ్జునుజ్జు అయింది. అందులో ప్రయాణిస్తున్న ఒక మహిళ, ఇద్దరు పిల్లలు అక్కడికక్కడే మృతి చెందారు. తీవ్రంగా గాయపడిన ప్రమోద్‌ను ప్రభుత్వ ఆసుపత్రికి తరలించారు. అతని పరిస్థితి విషమంగా ఉందని వైద్యులు వెల్లడించారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం మార్చురీకి తరలించారు.