తమిళనాడులో రాజకీయ సంక్షోభం.. హైదరాబాద్‌కు కాంగ్రెస్ ఎమ్మెల్యేలు

హైదరాబాద్: తమిళనాడులో ప్రభుత్వ ఏర్పాటుపై అనిశ్చితి కొనసాగుతున్న నేపథ్యంలో తమ ఎమ్మెల్యేలను(Tamil Nadu Congress MLAs) ఇతర పార్టీలు ప్రలోభాలకు గురిచేసి లాగేసుకునే ప్రయత్నాలను అడ్డుకునే వ్యూహంలో భాగంగా ఆ రాష్ట్రానికి చెందిన ఐదుగురు కాంగ్రెస్ ఎమ్మెల్యేలు శనివారం హైదరాబాద్‌లో మకాం వేశారు.

గతంలో తెలంగాణలో పార్టీ వ్యవహారాల AICC ఇన్‌చార్జిగా వ్యవహరించిన మేలూరు కాంగ్రెస్ ఎమ్మెల్యే పి. విశ్వనాథన్, హైదరాబాద్‌లో బస చేసిన ఐదుగురు ఎమ్మెల్యేల బృందానికి నాయకత్వం వహించారని పార్టీ వర్గాలు తెలిపాయి. కాంగ్రెస్ ఇప్పటికే TVKకి తన మద్దతును ప్రకటించిందని, ఒకవేళ TVK ప్రభుత్వం ఏర్పడితే విశ్వనాథన్ మంత్రి అయ్యే అవకాశం ఉందని ఆ వర్గాలు తెలిపాయి. తమిళనాడు కాంగ్రెస్‌ ఎమ్మెల్యేలు శంషాబాద్‌ నోవాటెల్ కు చేరుకున్నారు. తమిళనాడులో రాజకీయ సంక్షోభం ముగిసే వరకు తమిళనాడు కాంగ్రెస్‌ ఎమ్మెల్యేలు శంషాబాద్‌ నోవాటెల్‌లో ఉండనున్నారని పార్టీ వర్గాలు వెల్లడించాయి.