శంషాబాద్‌లో స్కూల్ బస్సు బోల్తా.. బస్సులో 60 మంది పిల్లలు

హైదరాబాద్: రంగారెడ్డి జిల్లా శంషాబాద్(Shamshabad) రోడ్డుపై వేగంగా వస్తున్న కారు ఢీకొనడంతో ఒక ప్రైవేట్ పాఠశాలకు చెందిన విద్యార్థులు ప్రయాణిస్తున్న బస్సు బోల్తా(School bus overturns ) పడింది. ఈ ఘటనలో పలువురు విద్యార్థులకు గాయాలయ్యాయి. హైదరాబాద్‌లోని జలవిహార్‌కు పిక్నిక్‌ యాత్రకు వెళ్తున్న ఒక ప్రైవేట్ పాఠశాలకు చెందిన సుమారు 60 మంది విద్యార్థులు ఆ బస్సులో ఉన్నారు. శంషాబాద్ రోడ్డుపై, ఒక కారు వేగంగా వచ్చి బస్సును వెనుక నుండి ఢీకొట్టింది. దానివల్ల బస్సు డ్రైవర్ వాహనంపై నియంత్రణ కోల్పోయాడు. బస్సు రోడ్డు పక్కన ఉన్న బారికేడ్‌ను ఢీకొని బోల్తా పడింది. స్థానికులు, పోలీసులు బస్సులో చిక్కుకున్న విద్యార్థులను బయటకు తీసి, చికిత్స కోసం ఆసుపత్రికి తరలించారు. విద్యార్థులకు స్వల్ప గాయాలయ్యాయి. పోలీసులు దర్యాప్తు చేస్తున్నారు.