ప్రతిజ్ఞ చేసిన చైర్మన్ ఆకాష్, వైస్ చైర్మన్ అహ్మద్, పాలకవర్గ సభ్యులు

కుమ్రంభీం ఆసిఫాబాద్,(విజయ క్రాంతి): తెలంగాణ ప్రభుత్వం ప్రతిష్టాత్మకంగా చేపట్టిన ప్రజాపాలన – ప్రగతి ప్రణాళిక కార్యక్రమాన్ని శుక్రవారం ఆసిఫాబాద్ మున్సిపల్ కార్యాలయంలో ఘనంగా ప్రారంభించారు. ఈ సందర్భంగా మున్సిపల్ చైర్మన్ ఆకాష్, వైస్ చైర్మన్ అహ్మద్, మున్సిపల్ కమిషనర్ గజానంద్, కౌన్సిలర్లు, మున్సిపల్ సిబ్బంది ప్రతిజ్ఞ చేశారు. ప్రజలకు నాణ్యమైన సేవలు అందించడం, పట్టణ అభివృద్ధిని వేగవంతం చేయడం, పారిశుధ్యం మెరుగుపరచడం, మౌలిక సదుపాయాల అభివృద్ధిపై ప్రత్యేక దృష్టి సారిస్తూ ఈ కార్యక్రమాన్ని సమర్థవంతంగా అమలు చేస్తామని వారు తెలిపారు.ఈ కార్యక్రమంలో మున్సిపల్ పాలకవర్గ సభ్యులు, అధికారులు, సిబ్బంది పాల్గొన్నారు.