12 June, 2026 | 1:59 AM 
పొల్లాచ్చి షెడ్యూల్ పూర్తి
మెగాస్టార్ చిరంజీవి, దర్శకుడు బాబీ కొల్లి కాంబోలో రూపొందుతున్న ‘చిరు158’ (వర్కింగ్ టైటిల్) చిత్రంపై ఇప్పటికే భారీ అంచనాలు నెలకొన్నాయి. ఇది కేవీఎన్ ప్రొడక్షన్స్ బ్యానర్పై వెంకట్ కే నారాయణ నిర్మిస్తున్న తొలి తెలుగు చిత్రం కావడం విశేషం. ప్రస్తుతం ఈ సినిమా షూటింగ్ శరవేగంగా సాగుతోంది. తాజాగా తమిళనాడులోని పొల్లాచ్చిలో జరిగిన హై-ఎనర్జీ షెడ్యూల్ను పూర్తిచేశారు.
ఈ షెడ్యూల్లో చిరంజీవి, ఇతర తారాగణంపై కీలక సన్నివేశాలను చిత్రీకరించారు. తర్వాతి షెడ్యూల్ త్వరలో ప్రారంభం కానుంది. చిరు ఈ చిత్రంలో తన కెరీర్లోనే అత్యంత పవర్ఫుల్, ఇంటెన్స్ పాత్రలో కనిపించనున్నారు. ఇందుకోసం ఆయన మరోసారి ఫిజికల్ ట్రాన్స్ఫర్మేషన్ అయ్యారు.
ఈ చిత్రానికి సంగీతాన్ని థమన్ అందిస్తుండగా, సినిమాటోగ్రాఫర్గా విజయ్ కార్తిక్ కన్నన్, ప్రొడక్షన్ డిజైన్గా అవినాశ్ కొల్లా, ఎడిటర్గా ఆంటోని ఎల్ రూబెన్ పనిచేస్తున్నారు. అనస్వర రాజన్ కీలక పాత్రలో నటిస్తున్న ఈ చిత్రంలో కథానాయికలు, ఇతర ప్రధాన తారాగణం వివరాలను త్వరలోనే మేకర్స్ ప్రకటించనున్నారు.
