అలెల్లె.. కలిసే ఎదలే..

జయకృష్ణ ఘట్టమనేని అజయ్ భూపతి దర్శకత్వంలో ’శ్రీనివాస మంగాపురం’తో హీరోగా పరిచయమవుతున్నారు. రవీనా టాండన్ కుమార్తె రాషా తడాని ఈ చిత్రంతో తెలుగు చిత్రసీమలోకి అడుగుపెడుతోంది. మోహన్‌బాబు కీలక పాత్ర లో అలరించనున్నారు. అశ్వినిదత్ సమర్పణలో చందమామ కథలు బ్యానర్‌పై పీ కిరణ్ నిర్మిస్తున్నారు. షూటింగ్ తుదిదశకు చేరుకున్న ఈ చిత్రం విడుదలకు సిద్ధమవుతోంది. తాజాగా నేచురల్ స్టార్ నాని ఈ చిత్రం ఫస్ట్ సింగిల్ ‘అలెల్లె అలెల్లె’ను లాంచ్ చేశారు. ‘అలెల్లె.. అలెల్లె.. అదిరే కలలే.. అలెల్లె.. అలెల్లె.. కలిసే ఎదలే.. పీల్చే శ్వాసలాగా మార్చుకోరా నన్నిలా.. కాలం చివరిదాకా నడిచి రారా తోడుగా..’ అంటూ సాగుతోందీ గీతం. శ్రీమణి రాసిన ఈ పాటను జీవీ ప్రకాశ్‌కుమార్ కంపోజ్ చేయడమే కాక హరిప్రియతో కలిసి పాడారు.