జాలి పడేదెవ్వడు మగాడి మీద..

భార్యాభర్తల తగువులు, గిల్లికజ్జాలు, సంసారం చుట్టూ అల్లే కథలు ఎప్పటికీ ప్రేక్షకులకు బోర్ కొట్టవు. ఇక ప్రస్తుత ట్రెండ్‌కు తగ్గట్టుగా భార్యాభర్తల బంధాన్ని వివిధ కోణాల్లో టచ్ చేస్తూ తెరకెక్కిస్తున్న చిత్రం ‘పురుషః’. వీరు వులవల దర్శకత్వం  వహిస్తున్న ఈ మూవీతో పవన్ కళ్యాణ్ బత్తుల హీరోగా పరిచయం కాబోతున్నాడు. కళ్యాణ్ ప్రొడక్షన్స్ బ్యానర్‌పై బత్తుల కోటేశ్వరరావు ఈ సినిమాను నిర్మిస్తున్నారు. ఇందులో వెన్నెల కిషోర్, రాజీవ్ కనకాల, వీటీవీ గణేశ్, సప్తగిరి, పమ్మి సాయి, పవన్‌కళ్యాణ్, కసిరెడ్డి రాజకుమార్, వైష్ణవి కొక్కుర, విషిక, హాసిని సుధీర్, శ్రీసంధ్య, గబిరాక్, అనైరా గుప్తా కీలక పాత్రల్లో నటిస్తున్నారు.

తాజాగా ఈ చిత్రంలోని ‘జాలి పడేదెవ్వడు.. మగాడి మీద జాలి పడేదెవ్వడు’ అంటూ సాగే పాటను రిలీజ్ చేశారు. ఈ పాటను ఎంఎం కీరవాణి ఆలపించారు. శ్రవణ్ భరద్వాజ్ స్వరపర్చిన ఈ గీతానికి అనంత శ్రీరామ్ సాహిత్యం అందించారు. సినిమా కథను వివరించేలా, కథనాన్ని అందరికీ ముందే చెప్పినట్టుగా ఉందీ పాట. ఎంతో ఫన్నీగా సాగిన ఈ లిరిక్స్ భార్యాభర్తల మధ్య బంధాన్ని వివరించాయి. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుపుకొంటున్న ఈ చిత్రానికి సినిమాటోగ్రఫీ: సతీశ్ ముత్యాల; ఎడిటర్: కోటి; ఆర్ట్: రవిబాబు దొండపాటి.