వట్టివాగు ప్రాజెక్టును సందర్శించిన ఎమ్మెల్యే కోవ లక్ష్మి

ఆసిఫాబాద్(విజయక్రాంతి): వట్టివాగు ప్రాజెక్టును ఆసిఫాబాద్ ఎమ్మెల్యే  కోవ లక్ష్మి సందర్శించారు. ఈ సందర్భంగా ప్రాజెక్టు పరిస్థితిని పరిశీలించిన ఆమె, వట్టివాగు కెనాల్ మరమ్మతు పనులను వేగంగా పూర్తి చేసి వరి సాగు చేస్తున్న రైతులకు సకాలంలో సాగునీరు అందేలా చర్యలు తీసుకోవాలని అధికారులను ఆదేశించారు.ప్రస్తుతం నమోదవుతున్న వర్షపాతాన్ని దృష్టిలో ఉంచుకుని అధికారులు అప్రమత్తంగా వ్యవహరించాలని, రైతులకు ఎలాంటి ఇబ్బందులు తలెత్తకుండా ముందస్తు చర్యలు చేపట్టాలని సూచించారు.ఈ కార్యక్రమంలో రెబ్బెన మండల సింగిల్ విండో చైర్మన్ సంజీవ్, సంబంధిత శాఖల అధికారులు, ప్రజాప్రతినిధులు తదితరులు పాల్గొన్నారు.