మంథని అభివృద్ధికి మాస్టర్ ప్లాన్

1. రోడ్డు విస్తరణ పనుల పరిశీలన
2. నష్టపోయే చిరు వ్యాపారులకు ప్రభుత్వం అండగా ఉంటుంది
3. మంథని లో విలేకరుల సమావేశంలో మంత్రి శ్రీధర్ బాబు హామీ

మంథని, జూలై 21 (విజయక్రాంతి): మంథని పట్టణాన్ని ఆధునికంగా తీర్చిదిద్దే లక్ష్యంతో చేపడుతున్న రహదారి విస్తరణ, సుందరీకరణ పనులను రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు(Minister Duddilla Sridhar Babu) మంగళవారం అధికారులతో కలిసి పరిశీలించారు. పనుల పురోగతిని సమీక్షించిన మంత్రి, అధికారులకు పలు కీలక సూచనలు చేశారు.

సుందరీకరణ & భద్రత

పట్టణ ప్రవేశం నుండి ప్రధాన రహదారి వరకు ప్రమాదకర మలుపులు లేకుండా చర్యలు తీసుకోవాలని, దుకాణాల ముందు ఒకే రకమైన సైన్‌బోర్డులు ఏర్పాటు చేయాలని మున్సిపల్ కమిషనర్‌ను ఆదేశించారు.

చిరు వ్యాపారులకు అండ

రోడ్డు విస్తరణలో ఇళ్లు, దుకాణాలు కోల్పోతున్న చిరు వ్యాపారులకు ప్రభుత్వం అన్ని విధాలా అండగా ఉంటుందని స్పష్టమైన హామీ ఇచ్చారు. కాలపరిమితిలోగా పూర్తి రానున్న పుష్కరాలను దృష్టిలో ఉంచుకుని మున్సిపల్ పరిధిలోని అభివృద్ధి పనులన్నింటినీ నాణ్యతతో, నిర్ణీత గడువులోగా పూర్తి చేయాలని ఇరిగేషన్, ఆర్ అండ్ బి, రెవెన్యూ శాఖల అధికారులను ఆదేశించారు.

కఠిన హెచ్చరిక

అభివృద్ధి పనుల్లో అలసత్వం, నిర్లక్ష్యం వహించే అధికారులపై కఠిన చర్యలు ఉంటాయని హెచ్చరించారు. మంథని రోడ్డు విస్తరణకు స్వచ్ఛందంగా సహకరిస్తున్న ప్రజలకు, వ్యాపారులకు ధన్యవాదాలు. పట్టణాభివృద్ధిలో ప్రజల సూచనలకు ప్రాధాన్యత ఇస్తాం. ప్రజా ప్రయోజనాల దృష్ట్యా వ్యాపారులు, ప్రజాప్రతినిధులు అభివృద్ధికి సహకరించాలి."మంత్రి దుద్దిళ్ల శ్రీధర్ బాబు, రాష్ట్ర ఐటీ, పరిశ్రమల శాఖ మంత్రి ఈ కార్యక్రమంలో జిల్లా, మండల కాంగ్రెస్ నాయకులు, ప్రజాప్రతినిధులు, కార్యకర్తలు మరియు వివిధ శాఖల అధికారులు పాల్గొన్నారు. మంథని అభివృద్ధిపై మంత్రి చూపుతున్న ప్రత్యేక చొరవ పట్ల స్థానికులు హర్షం వ్యక్తం చేశారు.