ఇల్లందులో మండల సర్పంచుల సంఘం ఏర్పాటు

ఇల్లందు టౌన్, ఏప్రిల్ 9 (విజయక్రాంతి): ఇల్లందు మండల సర్పంచుల సంఘాన్ని ఎమ్మెల్యే కోరం కనకయ్య ఆధ్వర్యంలో గురువారం ఏర్పాటు చేశారు. సంఘం అధ్యక్షురాలిగా పాయం స్వాతి, ఉపాధ్యక్షుడిగా గుగులోతు నాగార్జున, కార్యదర్శిగా జర్పుల లక్ష్మణ్, కోశాధికారిగా ఈసం బాలకృష్ణ, సహాయ కార్యదర్శిగా ఈసాల సురేష్, గౌరవ సలహాదారుగా వల్లాల మంగమ్మను ఎన్నుకున్నారు. ఈ సందర్భంగా ఎమ్మెల్యే కోరం కనకయ్య మాట్లాడుతూ గ్రామాల అభివృద్ధిలో సర్పంచుల పాత్ర కీలకమని తెలిపారు. కార్యక్రమంలో మార్కెట్ కమిటీ చైర్మన్ బానోత్ రాంబాబు, వైస్ ఎంపీపీ మండల రాము, పలువురు సర్పంచులు పాల్గొన్నారు.