ఫాస్ట్‌ఫుడ్ సెంటర్‌లో పేలిన సిలిండర్.. షాప్ ధ్వంసం: వ్యక్తికి తీవ్రగాయాలు

హైదరాబాద్: మేడ్చల్-మల్కాజిగిరి జిల్లాలోని కాప్రా ఎక్స్ రోడ్స్(Kapra X Roads) సమీపంలో ఉన్న ఒక ఫాస్ట్ ఫుడ్ సెంటర్‌లో(Fast Food Center) సోమవారం నాడు ఎల్.పీ.జీ (LPG) సిలిండర్ పేలిపోవడంతో(LPG cylinder exploded) ఒక వ్యక్తి తీవ్రంగా గాయపడ్డాడు. ఈ పేలుడు కారణంగా మంటలు చెలరేగడంతో ఆ ప్రాంతంలోని స్థానికుల్లో తీవ్ర భయాందోళన నెలకొంది. స్థానికులు వెంటనే ఘటనా స్థలానికి చేరుకుని, గాయపడిన వ్యక్తిని చికిత్స నిమిత్తం సమీపంలోని ఆసుపత్రికి తరలించారు. ఈ పేలుడుకు గల కారణాలను అధికారులు ఇంకా నిర్ధారించాల్సి ఉంది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.