మాజీ సీఎం కుమారుడికి యావజ్జీవం

ఛత్తీస్‌గఢ్ హైకోర్టు తీర్పు

2003లో ఎన్సీపీ నేత రామావతార్ జగ్గీ హత్య 

ట్రయల్ కోర్టు 2007లో ఇచ్చిన తీర్పు రద్దు

రాయ్‌పూర్, ఏప్రిల్ 6: ఎన్సీపీ నేత రామావతార్ జగ్గీ హత్య కేసులో, 2007లో ఇచ్చిన ట్రయల్ కోర్టు ఇచ్చిన తీర్పును రద్దు చేస్తూ, ఛత్తీస్‌గఢ్ హైకోర్టు మాజీ ముఖ్యమంత్రి అజిత్ జోగీ కుమారుడు అమిత్ జో గీకి యావజ్జీవ కారాగార శిక్ష విధించింది.  జనతా కాంగ్రెస్ ఛత్తీస్‌ఢ్ (జే) అధ్యక్షుడైన జోగీకి ట్రయల్ కోర్టు 2007లో ఇచ్చిన క్లీన్ చిట్ చట్టబద్ధంగా చెల్లదని తీర్పు ఇచ్చింది. అదే సాక్ష్యం ఆధారంగా ఇప్పటికే 28 మంది ఇతర నిందితులకు శిక్ష పడినప్పుడు, ప్రధాన కుట్రదారుడిగా ఆరోపించబడిన వ్యక్తిని నిర్దోషిగా విడుదల చేయడం అన్యాయమని కోర్టు స్పష్టం చేసింది.

దీంతో హత్య, నేరపూరిత కుట్ర ఆరోపణలపై అమిత్ జోగీని దోషిగా నిర్ధారించి, యావజ్జీవకారాగార శిక్షతోపాటు రూ.1,000 జరిమానా విధించింది. ఈ కేసు 2003, జూన్ 4వ తేదీన ప్రారంభమైంది. ఆ రోజు నేషనలిస్ట్ కాంగ్రెస్ పార్టీ (ఎన్సీపీ) సీనియర్ నా యకుడు, విద్యాచరణ్ శుక్లాకు సన్నిహితుడైన రామావతార్ జగ్గీని పట్టపగలు కాల్చి చంపడంతో, అది ఒక పెద్ద రాజకీయ ప్రకంపనలకు దారితీసింది. పోలీసులు 31 మంది పేర్లను పేర్కొనగా, 2007లో రాయ్‌పూర్ కోర్టు సాక్ష్యాధారాలు లేకపోవడంతో అమిత్ జోగీని నిర్దోషిగా విడుదల చేస్తూ, వారిలో 28 మందిని దోషులుగా నిర్ధారించింది.

జగ్గీ కుమారుడు సతీష్ జగ్గీ న్యాయపోరాటాన్ని కొనసాగించి, చివరికి ఈ విషయాన్ని సుప్రీంకోర్టుకు తీసుకువెళ్లారు. దీంతో హైకోర్టు ఈ కేసును తిరిగి విచారణకు స్వీకరించింది. అమిత్ జోగీతో సహా పలు నిందితులకు విధించిన శిక్షలను కోర్టు ఉద్ఘాటించింది. అమిత్ జోగీ న్యాయవాద బృందం సుప్రీంకోర్టులో ఒక ప్రత్యేక అనుమతి పిటిషన్ (ఎల్‌ఎల్‌పీ) దాఖలు చేసింది, ఇది తదుపరి పరిణామాలు చోటుచేసుకునే అవకాశం ఉందని సూచిస్తోంది. ఛత్తీస్‌గఢ్ హైకోర్టు నిందితులను లొంగిపోవాలని ఆదేశాలు జారీ చేసింది.