రేపటి నుంచి ‘హై లైఫ్ ఎగ్జిబిషన్’

మాదాపూర్ నోవాటెల్‌లో ప్రారంభం 

హైదరాబాద్, జూలై 7 (విజయక్రాంతి): హైదరాబాద్‌లో జూలై 9 నుంచి ‘హై లైఫ్ ఎగ్జిబిషన్’ ప్రారంభం కానుంది. నగరంలోని ఫ్యాషన్ ప్రేమికులకు సరికొత్త లగ్జరీ అనుభూతిని అందించడానికి ప్రముఖ లైఫ్‌స్టుల్ ఎగ్జిబిషన్ ‘హై లైఫ్’ సిద్ధమైంది. భారతదేశం అంతటా ఉన్న లగ్జరీ బ్రాండ్లు, ప్రముఖ డిజైనర్ల ప్రత్యేక కలెక్షన్లతో 9, 10, 11 తేదీలలో మాదాపూర్‌లోని నోవాటెల్ హెఐసిసిలో ఈ ఎగ్జిబిషన్ నిర్వహించబడుతుంది.

ప్రముఖ డిజైనర్లు రూపొందించిన సరికొత్త వెడ్డింగ్, క్యాజువల్ మరియు అప్-టు-డేట్ ఫ్యాషన్ దుస్తులు, ప్రతి వేడుకకు ప్రత్యేక ఆకర్షణగా నిలిచే అద్భుతమైన ఆభరణాల కలెక్షన్స్, నైపుణ్యంతో కూడిన హస్తకళతో తయారు చేసిన హ్యాండ్‌బ్యాగులు, ఫుట్‌వేర్, ఇతర వస్తువులు అందుబాటులో ఉంటాయి. ఇంటి అలంకరణకు ఉపయోగపడే లగ్జరీ హోమ్ డెకర్ వస్తువులు కూడా ఉంటాయి. హైదరాబాద్ నగరవాసులకు ఒక మరపురాని, విలాసవంతమైన షాపింగ్ అనుభూతిని అందించడమే ఈ ప్రదర్శన యొక్క ముఖ్య ఉద్దేశం.