ఎమ్మెల్యేగా ప్రమాణం చేసిన సీఎం విజయ్

చెన్నై: ముఖ్యమంత్రి సి. జోసెఫ్ విజయ్(CM Joseph Vijay Takes Oath) మరో తొమ్మిది మంది మంత్రులు, ఎడప్పాడి కె. పళనిస్వామి సహా మాజీ ముఖ్యమంత్రులు, కొత్తగా ఎన్నికైన ఎమ్మెల్యేలు సోమవారం నాడు తమిళనాడు శాసనసభలో ప్రమాణ స్వీకారం చేశారని అధికారులు తెలిపారు. తాత్కాలిక సభాపతి ఎం. వి. కరుప్పయ్య వీరితో ప్రమాణ స్వీకారం చేయించారు. ఎమ్మెల్యేల ప్రమాణ స్వీకారానికి సంబంధించిన అసెంబ్లీ కార్యకలాపాలు, ప్రో-టెమ్ స్పీకర్ క్లుప్త పరిచయంతో ఉదయం 9:30 గంటలకు ప్రారంభమయ్యాయి. 

ముఖ్యమంత్రి మొట్టమొదట ఎమ్మెల్యేగా ప్రమాణస్వీకారం చేశారు. ఆ తర్వాత ఎన్. ఆనంద్, ఆధవ్ అర్జున్‌లతో సహా తొమ్మిది మంది మంత్రులు ఎమ్మెల్యేలుగా ప్రమాణస్వీకారం చేశారు. దీనిని అనుసరించి, DMK శాసనసభ పక్ష నాయకులు, మాజీ ఉప ముఖ్యమంత్రి ఉదయనిధి స్టాలిన్, మాజీ ముఖ్యమంత్రులు AIADMK నాయకులు ఎడప్పాడి పళనిస్వామి, DMK నాయకులు ఓ. పన్నీర్‌సెల్వం అలాగే అగ్రి కృష్ణమూర్తి, కె.పి. అన్బళగన్‌తో సహా పలువురు AIADMK సభ్యులు శాసనసభ్యులుగా ప్రమాణ స్వీకారం చేశారు. నిన్న తమిళనాడు ముఖ్యమంత్రిగా విజయ్ ప్రమాణ స్వీకారం చేసిన విషయం తెలిసిందే.