సూర్య వెడ్డింగ్ సాంగ్ పాడితే..

తమిళ అగ్ర కథానాయుడు సూర్య ప్రధాన పాత్రలో దర్శకుడు వెంకీ అట్లూరి రూపొందిస్తున్న చిత్రం ‘విశ్వనాథ్ అండ్ సన్స్’. సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. ఇందులో మమితా బైజు, రాధికా శరత్‌కుమార్, రవీనా టాండన్ ముఖ్యపాత్రల్లో నటిస్తున్నారు. ఈ సిని మా స్వాతంత్య్ర దినోత్సవం కానుకగా ఆగస్టు 14న విడుదల కానుంది.

తాజా గా ఈ చిత్రం నుంచి ‘ది వెడ్డింగ్ సాంగ్’ను విడుదల చేసింది చిత్రబృం దం. ఈ పాటను హీరో సూర్య స్వయంగా ఆలపించడం విశేషం. ఈ గీతానికి జీవీ ప్రకాశ్‌కుమార్ సంగీతం సమకూర్చగా, రామజోగయ్య శాస్త్రి సాహిత్యం అందించారు. ఈ పాటలో సూర్య, మమితా బైజు అందంగా మెరిపోతూ, తమ నృత్యంతో ఆకట్టుకున్నారు. ఈ చిత్రానికి డీవోపీ: నిమిష్ రవి; ఎడిటింగ్: నవీన్ నూలి; ఆర్ట్: బంగ్లాన్.