అక్రమంగా నిర్మిస్తే అనుమతులు రద్దు చేస్తాం

1. మున్సిపల్ కమిషనర్ మధుసూదన్‌రెడ్డి
2. సెల్లార్ నిర్మాణాన్ని అడ్డుకున్న అధికారులు

తాండూరు, మే 29,(విజయక్రాంతి) వికారాబాద్ జిల్లా తాండూర్ పట్టణంలో ‘నిబంధనలకు విరుద్ధంగా సెల్లార్ నిర్మాణం‘ చేస్తున్నారని  విజయ క్రాంతి దినపత్రికలో ఈనెల 27వ తేదీన వచ్చిన వార్తకు మున్సిపల్ అధికారులు స్పందించారు. శుక్రవారం మున్సిపల్ టౌన్ ప్లానింగ్ అధికారులు  పట్టణంలోని నెహ్రూగంజ్ ఎల్లమ్మ దేవాలయం ప్రక్కన నిర్మిస్తున్న సెల్లార్ పనులను అడ్డుకున్నారు. ఈ సందర్భంగా కమిషనర్ మధుసూదన్ రెడ్డి మాట్లాడుతూ నిబంధనలకు విరుద్ధంగా సెల్లార్ నిర్మిస్తే అనుమతులు రద్దు చేస్తామని హెచ్చరించారు.