పరిసరాల సేవా వీరులు

అమీన్ పూర్: బచ్పన్ AHPS ప్రైమరీ, బీరంగూడలో 18 జూలై 2026న యూకేజీ బనానా, యూకేజీ చెర్రీ విద్యార్థుల ఆధ్వర్యంలో పరిసరాల సేవా వీరులు (Neighbourhood Heroes) కార్యక్రమాన్ని ఘనంగా నిర్వహించారు. ఈ కార్యక్రమానికి డైరెక్టర్లు సి.హెచ్. శ్రీనివాసరావు, ఆర్. శిరిషారెడ్డి, ప్రిన్సిపాల్  లక్ష్మీ రాఘవేంద్ర, జోనల్ కోఆర్డినేటర్ హెచ్. ప్రియాంక  ముఖ్య అతిథులుగా విచ్చేసి చిన్నారులను అభినందించారు. ఈ కార్యక్రమంలో చిన్నారులు డాక్టర్, రైతు, పోలీస్, సైనికుడు, చెఫ్, న్యాయవాది, న్యాయమూర్తి, దర్జీ, ఉపాధ్యాయుడు, మేస్త్రీ, శాస్త్రవేత్త, క్షౌరవృత్తిదారుడు (బార్బర్), వడ్రంగి, అగ్నిమాపక సిబ్బంది, తోటమాలి, పండ్ల వ్యాపారి, కూరగాయల వ్యాపారి, పాలవాడు, దుకాణదారుడు, తపాలా ఉద్యోగి వంటి వివిధ వృత్తుల వేషధారణలో పాల్గొన్నారు.

ప్రతి విద్యార్థి తాను ధరించిన వృత్తి సమాజానికి అందించే సేవలను ఎంతో ఆత్మవిశ్వాసంతో వివరించి అందరినీ ఆకట్టుకున్నారు. ఈ కార్యక్రమం ద్వారా చిన్నారులు సమాజానికి సేవ చేస్తున్న ప్రతి వృత్తి యొక్క ప్రాముఖ్యతను తెలుసుకోవడంతో పాటు, ప్రతి వృత్తిని గౌరవించే విలువలను పెంపొందించుకున్నారు. విద్యార్థుల ఆకట్టుకునే వేషధారణ, చక్కని వేదిక ప్రదర్శన, ధైర్యంగా చేసిన వివరణలు కార్యక్రమానికి ప్రత్యేక ఆకర్షణగా నిలిచాయి.

ఈ కార్యక్రమానికి యూకేజీ విద్యార్థుల తల్లిదండ్రులతో పాటు 1వ తరగతి నుండి 4వ తరగతి వరకు విద్యార్థులు హాజరై చిన్నారులను ప్రోత్సహించారు. విద్య, వినోదం, విలువల సమ్మేళనంగా సాగిన ఈ కార్యక్రమం ప్రతి ఒక్కరికీ చిరస్మరణీయమైన అనుభూతిని అందించింది. బచ్పన్ AHPS ప్రైమరీ, బీరంగూడలో విద్యార్థులలో జ్ఞానం, ఆత్మవిశ్వాసం, సృజనాత్మకతతో పాటు సమాజ సేవ పట్ల గౌరవ భావాన్ని పెంపొందించడమే మా లక్ష్యం.