LPG పేలుడుతో కూలిన ఇల్లు: ఒకరి పరిస్థితి విషమం

న్యూఢిల్లీ: ఉత్తర ఢిల్లీలోని ముకుంద్‌పూర్(Mukundpur) ప్రాంతంలో మంగళవారం ఉదయం ఎల్‌పీజీ సిలిండర్ పేలుడు( LPG cylinder blast) కారణంగా ఒక అంతస్తు ఇల్లు కూలిపోగా, శిథిలాల నుండి 11 మందిని రక్షించినట్లు పోలీసు అధికారులు తెలిపారు. వీరిలో ఒకరి పరిస్థితి విషమంగా ఉందని పేర్కొన్నారు. శ్మశానవాటిక సమీపంలోని ముకుంద్‌పూర్-II, ఇషు విహార్, గలీ నం. 1 వద్ద ఈ సంఘటన జరిగిందని తెలిపారు.

'ఢిల్లీ ఫైర్ సర్వీసెస్ (DFS) ప్రకారం, ఉదయం 9.37 గంటలకు పేలుడు, ఇల్లు కూలిపోయినట్లు ఒక కాల్ అందింది. శిథిలాల కింద పలువురు నివాసితులు చిక్కుకుపోయి ఉంటారని భయపడుతున్నట్లు కాల్ చేసిన వ్యక్తి అధికారులకు తెలియజేశారు. గాయపడిన వారిని స్థానికులు, పోలీసులు రక్షించి సమీపంలోని ఆసుపత్రికి తరలించారు. అధికారులు శిథిలాలను తొలగిస్తూ, కూలిపోయిన కట్టడంలో ఎవరూ చిక్కుకుపోయి లేరని నిర్ధారించుకోవడానికి గాలిస్తున్నారు. ఈ ఘటనపై కేసు నమోదు చేసుకున్న పోలీసులు పేలుడుకు గల కారణం ఇంకా నిర్ధారించబడలేదని తెలిపారు.