విద్యా సంవత్సరానికి ఘనమైన పదవీ స్వీకారం

అమీన్ పూర్, జులై 19 : అకాడెమిక్ హైట్స్ పబ్లిక్ స్కూల్, బీరంగూడ, 2026-27 విద్యా సంవత్సరానికి గాను తన ప్రతిష్టాత్మక పదవీ స్వీకార కార్యక్రమాన్ని పాఠశాల ప్రాంగణంలో అత్యంత వైభవంగా నిర్వహిస్తారు.లాంఛన ప్రాయంగా దీప ప్రజ్వలన, ప్రార్థనతో కార్యక్రమాలు ప్రారంభమయ్యాయి. అనంతరం, నూతనంగా ఎన్నికైన విద్యార్థి మండలి క్రమశిక్షణతో కూడిన మార్చ్ ఫాస్ట్ నిర్వహించారు. పాఠశాల డైరెక్టర్ల చేతుల మీదుగా బ్యాడ్జీలను తగిలించడం, ప్రమాణ స్వీకారం చేయించడం ఈ కార్యక్రమానికి ప్రధాన ఆకర్షణగా నిలిచాయి. కొత్తగా నియమితులైన నాయకులు నిజాయితీ, క్రమశిక్షణ, సేవ అనే విలువలను నిలబెడతామని ప్రతిజ్ఞ చేశారు.

2026-27 విద్యా సంవత్సరానికి గాను ఎన్. సాయి శశాంక్,  హెడ్ బాయ్, రితు చంద్రను గా నియమించారు. ఇతర కౌన్సిల్ సభ్యులను వివిధ పదవులలోకి తీసుకుని, వారి వారి హౌస్లు మరియు కమిటీలకు నాయకత్వం వహించే బాధ్యతలను అప్పగించారు. సభను ఉద్దేశించి ప్రసంగిస్తూ డైరెక్టర్  సి హెచ్. శ్రీనివాస రావు, నాయకత్వం అనేది సేవ, క్రమశిక్షణ బాధ్యతలతో ముడిపడి  ఉంటుందని నొక్కి చెప్పారు.

పాఠశాల అభివృద్ధి కోసం విద్యార్థి మండలి ఆదర్శంగా నిలవాలని, ఒక బృందంగా కలిసి పనిచేయాలని ఆయన కోరారు. డైరెక్టర్  ఆర్.శిరీష రెడ్డి మాట్లాడుతూ నిజమైన నాయకులు అధికారాన్ని ఆశించేవారు కాదు, సేవ చేసే ధైర్యం ఉన్నవారేనని, ఈ పాఠశాలను ఉన్నత శిఖరాలకు తీసుకువెళ్లే క్రమంలో క్రమశిక్షణ మీ బలంగా, కరుణ మీ మార్గదర్శిగా ఉండాలన్నారు. ఈ కార్యక్రమంలో ప్రిన్సిపాల్  ఎ. లక్ష్మి నీలిమ తదితరులు పాల్గొన్నారు.