బుడ్డగూడెం పాఠశాలకు ఇనుప ఉయ్యాల బహూకరణ

బూర్గంపాడు,(విజయక్రాంతి): మండల పరిధిలోని బుడ్డగూడెం మండల పరిషత్‌ ప్రాథమిక పాఠశాల విద్యార్థుల ఆటవిడుపు కోసం దాతలు ఇనుప ఉయ్యాలను బహూకరించారు. సోడె బక్కయ్య–బాలమ్మ జ్ఞాపకార్థం వారి మనుమడు సోడె వీరభద్రం–లీలా దంపతులు శనివారం పాఠశాలకు ఇనుప ఉయ్యాలను అందజేశారు.ఆటవిడుపు సమయంలో విద్యార్థులకు ఉయ్యాల ఉపయోగకరంగా ఉంటుందని దాతలు తెలిపారు. పాఠశాల అభివృద్ధి, విద్యార్థుల సౌకర్యాల కోసం దాతలు ముందుకు రావడం అభినందనీయమని హెచ్‌ఎం ఈశ్వర్‌ అన్నారు. దాతలను అభినందించారు.కార్యక్రమంలో ఉపాధ్యాయులు మధు, నాగమణి, వార్డు సభ్యులు రవి, ఆదిలక్ష్మి, పుల్లయ్య, కొడెం వెంకటేశ్వర్లు, శ్రీకాంత్‌, ఉమాదేవి తదితరులు పాల్గొన్నారు.