అవినాష్ పుట్టినరోజు... దివ్యాంగులకు పండ్ల పంపిణీ

సుల్తానాబాద్,(విజయక్రాంతి): పెద్దపల్లి జిల్లా సుల్తానాబాద్ మున్సిపల్ పరిధిలోని వికాసం దివ్యాంగుల సెంటర్ లో మంగళవారం సుల్తానాబాద్ కి చెందిన చాతల అవినాష్ నిష్కల్మష మనసుకలిగిన దివ్యాంగుల మధ్య తనజన్మదినోత్సవాన్ని ఘనంగా జరుపుకున్నారు. ఈ సందర్భంగా చాతల శివ మాట్లాడుతూ ఎటువంటి వేడుకలు అయిన హంగు ఆర్భాటాలు లేకుండా, వ్యర్థ మైనఖర్చులు చేయకుండా అమాయకమైన దివ్యాంగుల మధ్యలో సంబరాలు జరుపుకుని వారి కడుపు నింపితే వచ్చే ఆనందం చెప్పనలవి కానిదని అన్నారు. ఈ సందర్భంగా చాతల అవినాష్ చేతుల మీదుగా దివ్యాంగులకు పండ్లు పంపిణీ చేయగా, పండ్లు స్వీకరించిన దివ్యాంగులు కరతాళధ్వనులతో హ్యాపీ బర్త్డే శుభాకాంక్షలు తెలుపుతూ సంతోషం వ్యక్తంచేశారు.