జవాన్లపై స్మగ్లర్లు దాడి.. సిబ్బందికి గాయాలు, వాహనం ధ్వంసం

అగర్తల: త్రిపురలోని సెపాహిజల జిల్లాలో పశువుల అక్రమ రవాణాదారుల దాడిలో ఐదుగురు బీఎస్‌ఎఫ్ సిబ్బంది(BSF jawans) గాయపడ్డారని పోలీసులు శనివారం తెలిపారు. శుక్రవారం సాయంత్రం బిషల్‌గఢ్-కామ్తానా రోడ్డులోని భారత్-బంగ్లాదేశ్ సరిహద్దు సమీపంలో జరిగిన ఈ దాడిలో ఒక బీఎస్‌ఎఫ్ వాహనం కూడా ధ్వంసమైందని అధికారులు తెలిపారు. "కామ్తానా సరిహద్దు అవుట్‌పోస్ట్ వద్ద మోహరించిన బీఎస్ఎఫ్ సిబ్బంది ఒక వాహనాన్ని ఆపమని సిగ్నల్ ఇచ్చారు. కానీ అది స్థానిక పశువుల మార్కెట్ వైపు దూసుకుపోయింది" అని బిషల్‌గఢ్ పోలీస్ స్టేషన్ అధికారి బికాష్ దాస్ అన్నారు. ఆవుల స్మగ్లర్లు జవాన్ల కారును ధ్వంసం చేసి బీఎస్‌ఎఫ్ జవాన్లను కొట్టారు. మార్కెట్‌లో ఉన్న స్థానిక ప్రజలు కేవలం ప్రేక్షకులుగా ఉన్నారని, జవాన్లకు సహాయం చేయడానికి ముందుకు రాలేదని అధికారులు పేర్కొన్నారు.