కోనరావుపేట,(విజయక్రాంతి): రాజన్న సిరిసిల్ల జిల్లా కోనరావుపేట మండలం సుద్దాల గ్రామానికి చెందిన ఎగదండి బాబు, నరసవ్వ (బుజ్జవ్వ) దంపతులు ఇటీవల అనారోగ్యంతో మృతి చెందడంతో వారి కుమార్తెలు మమత, స్వప్న, శ్వేత, సిందుజలు అనాథలయ్యారు. ఈ విషాద ఘటనను తెలుసుకున్న బిఆర్ఎస్ పార్టీ వేములవాడ నియోజకవర్గం ఇన్‌చార్జి చల్మెడ లక్ష్మీనరసింహారావు బుధవారం బాధిత కుటుంబాన్ని పరామర్శించారు.

ఈ సందర్భంగా చల్మెడ లక్ష్మీనరసింహారావు కుటుంబ సభ్యులకు ప్రగాఢ సానుభూతి, సంతాపాన్ని తెలియజేస్తూ తనవంతు సహాయంగా ఆర్థిక సాయం అందించారు.భవిష్యత్తులోనూ కుటుంబానికి అండగా ఉంటామని హామీ ఇచ్చారు. వారి వెంట సర్పంచులు నాగరాజు, స్వామి, అరవింద్‌తో పాటు సీనియర్ నాయకులు రాఘవరెడ్డి, రామ్మోహనరావు, భూమారెడ్డి, కాశవేని మహేష్, వంగల శ్రీనివాస్, బాబు, సుమన్, రవి, శ్రీనివాస్, అన్వేష్, రంజిత్, పర్షరాములు, గణేష్, ఎల్లయ్య తదితరులు పాల్గొన్నారు.