స్వలింగ ప్రేమికులుగా!

ఇటు టాలీవుడ్, అటు బాలీవుడ్ వరకు వరుస ప్రాజెక్టులతో బిజీగా ఉన్న దక్షిణాది బ్యూటీ రష్మిక మందన్న. విభిన్న పాత్రల్లో కనిపిస్తూ ప్రేక్షకులను అలరిస్తూ, విమర్శకుల ప్రశంసలు అందుకుంటోంది. బాలీవుడ్ బ్యూటీ కృతి సనన్ కూడా ప్రాధాన్యమున్న పాత్రల్లోనే కనిపిస్తూ అందరి మెప్పు పొందుతోంది. అయితే, వీరిద్దరూ కలిసి నటిస్తున్న ప్రాజెక్టు గురించి ఓ ఆసక్తికరమైన వార్తల ఇప్పుడు నెట్టింట వైరల్‌గా మారింది. షాహిద్ కపూర్ ప్రధాన పాత్రలో రానున్న చిత్రం ‘కాక్‌టెయిల్ 2’. ఇందులో కృతి సనన్, రష్మిక కీలక పాత్రల్లో నటిస్తున్నారు.

తాజాగా ఈ సినిమాలో వీరిద్దరి పాత్రల గురించి బాలీవుడ్ మీడియాలో వచ్చిన వార్త భారతీయ సినీ జనాలను ఆశ్చర్యానికి గురిచేస్తోంది. ఈ చిత్రంలో కృతి, రష్మిక స్వలింగ ప్రేమికులుగా కనిపించనున్నారట. ఈ చిత్రబృందం నుంచి ఎలాంటి అధికారిక సమాచారం రాకపోయినప్పటికీ బాలీవుడ్ మీడియాలో జరుగుతున్న ఈ ప్రచారం ఆసక్తికర చర్చకు తెర తీసింది. దర్శకుడు హోమీ అదజానియా దీన్ని ముక్కోణ ప్రేమకథగా తెరకెక్కిస్తున్నారట. జనవరి 31న షూటింగ్ పూర్తయిందని గతంలో దర్శకుడు వెల్లడించారు.  త్వరలోనే దీని విడుదల తేదీని ప్రకటించనున్నారు.  2012లో దీపికా పదుకొణె, డయానా, సైఫ్ అలీఖాన్ ప్రధాన పాత్రల్లో తెరకెక్కిన ‘కాక్‌టెయిల్’ చిత్రానికి సీక్వెల్‌గా వస్తున్న చిత్రమే ఈ ‘కాక్‌టెయిల్ 2’.