రేణుకది ఆత్మహత్య కాదు.. హత్యే..!

హైదరాబాద్: నగరంలోని లంగర్ హౌజ్ పోలీస్ స్టేషన్(Langar Houz police station) పరిధిలో ఒక హోటల్‌లో గురువారం రాత్రి 26 ఏళ్ల మహిళ ఉరివేసుకుని ఆత్మహత్య చేసుకుంది. లంగర్ హౌజ్ పోలీస్ అధికారి తెలిపిన వివరాల ప్రకారం, మరణించిన రేణుక గురువారం సాయంత్రం తన ప్రియుడు ఫరూక్‌తో కలిసి ఆ హోటల్‌లో బస చేసింది. కూకట్‌పల్లిలోని 'కింగ్స్ అండ్ క్వీన్స్'లో క్లబ్ డ్యాన్సర్‌గా పనిచేస్తున్న రేణుక బొల్లారం నివాసి. ఆమె గతంలో ముకాబౌలిలో నివసించేది.

ఆమెకు ఎనిమిదేళ్ల క్రితం వివాహం జరిగిందని, ఏడేళ్ల కుమారుడు ఉన్నాడని, అయితే ఆమె తన భర్తకు దూరంగా ఉంటోందని పోలీసులు తెలిపారు. లంగర్ హౌస్ పోలీసులు ఈ విషయంపై మరింత సమాచారం ఇస్తూ, గోల్కొండ ప్రాంతానికి చెందిన తన ప్రియుడు ఫరూక్‌తో ఆమెకు పరిచయం ఒక పబ్‌లో ఏర్పడింది. అప్పటి నుండి గత ఆరు నెలలుగా వారు కలిసి ఉంటున్నారు. నిన్న వారు 'వి గ్రాండ్' (V Grand) హోటల్ గదికి వచ్చారని పోలీసులు తెలిపారు. హోటల్‌లో గది తీసుకున్న తర్వాత వారు బిర్యానీ ఆర్డర్ చేశారని, ఆ తర్వాత ఫరూక్ ఒక కార్యక్రమానికి హాజరయ్యేందుకు అక్కడి నుండి వెళ్ళిపోయాడని అధికారులు పేర్కొన్నారు. 

అర్ధరాత్రి దాటిన తర్వాత సుమారు 12:30 గంటల సమయంలో రేణుక తన మరో స్నేహితురాలికి వీడియో కాల్ చేసి, మరుసటి రోజు తన పుట్టినరోజు అని చెబుతూ "నీకోసం నా దగ్గర ఒక పుట్టినరోజు బహుమతి ఉంది" అని చెప్పింది. ఆ తర్వాత ఆమె హోటల్ గదిలో ఉరివేసుకుని ఆత్మహత్య చేసుకుంది. ఫరూఖ్‌కు వివాహమై ముగ్గురు పిల్లలు ఉన్నారని అధికారులు తెలిపారు. ఫారుక్ ను అదుపులోకి తీసుకున్న లంగరహౌస్ పోలీసులు అతడిని ప్రశ్నిస్తున్నారు. ఈ ఘటనపై కేసు నమోదు చేసుకున్న పోలీసులు మృతదేహాన్ని పోస్ట్‌మార్టం పరీక్ష కోసం ఉస్మానియా జనరల్ ఆసుపత్రికి తరలించామని, ఈ విషయంపై దర్యాప్తు చేస్తున్నామని పోలీసులు పేర్కొన్నారు. రేణుకది ఆత్మహత్య కాదు.. హత్యేనని కుటుంబసభ్యులు ఆరోపించారు.