వరుణ్‌తేజ్‌కు గాయం

వరుణ్ తేజ్ హీరోగా దర్శకుడు యదు వంశీ తెరకెక్కిస్తున్న నూతన చిత్రం ‘బరి’. పింక్ ఎలిఫెంట్ పిక్చర్స్ బ్యానర్‌పై నిహారిక కొణిదెల నిర్మిస్తున్న ఈ సినిమా ఇటీవలే ప్రారంభమైన సంగతి తెలిసిందే. అయితే, ఈ సినిమా చిత్రీకరణలో భాగంగా వరుణ్ తేజ్ వాలీబాల్ ఆటను సాధన చేస్తుండగా మోకాలికి తీవ్ర గాయమైంది. శస్త్ర చికిత్స కూడా జరిగింది.

ఈ విషయాన్ని నిహారిక తన సోషల్ మీడియా వేదికగా తెలియజేశారు. ‘ప్రస్తుతం వరుణ్ అన్నయ్య వైద్యుల పర్యవేక్షణలో విశ్రాంతి తీసుకుంటున్నారు. త్వరలోనే ఆయన పూర్తి ఆరోగ్యంతో కోలుకుంటారని భావిస్తున్నాం’ అని ఆమె పేర్కొన్నారు.