మహిళా దినోత్సవానికి రండి

మంత్రి కొండా సురేఖను ఆహ్వానించిన టీజీవో మహిళా విభాగం 

హైదరాబాద్, ఫిబ్రవరి 21 (విజయక్రాంతి): టీజీవో మహిళా విభాగం 2026 క్యాలెండర్‌ను అటవీ, పర్యావరణ, దేవదాయ శాఖ మం త్రి కొండా సురేఖ శనివారం ఆవిష్కరించారు. టీజీవో రాష్ట్ర అధ్యక్షుడు ఏలూరి శ్రీనివాసరావు, ప్రధానకార్యదర్శి బీ.శ్యామ్ ఆధ్వర్యంలో మహిళా విభాగం చైర్‌పర్సన్ డాక్టర్ దీపారెడ్డి ఈమేరకు మంత్రిని కలిసిశారు. ఈ సందర్భంగా మార్చి 6న నిర్వహించనున్న మహిళా దినోత్సవానికి ముఖ్యఅతిథిగా హాజరుకావాలని మంత్రిని మహిళా విభాగం ఈ మేరకు కోరింది. దీనిపై మంత్రి సానుకూలంగా స్పందించినట్లు వారు తెలిపారు. మంత్రిని కలిసిన వారిలో జయశ్రీ తదితరులు ఉన్నారు.