కేప్ టౌన్ లో టాటా మోటార్స్ పోర్ట్ ఫోలియో

కేప్ టౌన్, దక్షిణాఫ్రికా: ప్రపంచంలోని ప్రముఖ వాణిజ్య వాహన తయారీదారులలో ఒకటైన టాటా మోటార్స్, దక్షిణాఫ్రికాలోని కేప్ టౌన్లో జరిగిన ఒక కార్యక్రమంలో 11 వాహనాల పోర్ట్ ఫోలియోను ప్రదర్శించింది. దాని ఇంజనీరింగ్ బలం మరియు సాంకేతిక సామర్థ్యాలను వెల్లడించింది. క్యూరేటెడ్ లైనప్ నిరూపితమైన ప్లాట్ ఫామ్ తో పాటు తదుపరి తరం ఎలక్ట్రిక్ వాహనాలతో సహా బహుళ విభాగాలు , పవర్ స్ట్రెయిన్ ఎంపికలను కలిగి ఉంది.

తద్వారా విభిన్న అంతర్జాతీయ మార్కెట్ల కోసం అధునాతన, అప్లికేషన్-సిద్ధంగా ఉన్న మొబిలిటీ పరిష్కారాలను రూపొందించి అభివృద్ధి చేయగల సంస్థగా తమ సామర్థ్యాన్ని నిరూపించుకుంది.  ఉత్పాదకతను పెంచడం, సమయాన్ని మెరుగుపరచడం మరియు వివిధ వినియోగ సందర్భాలలో తక్కువ మొత్తం యాజమాన్య వ్యయాన్ని అందించడంపై తమ ఫోకస్ ను ఈ శ్రేణి హైలైట్ చేసింది.

ఈ ప్రదర్శనలో సరికొత్త అల్ట్రా ప్రైమ్ ఆర్ఈ-సౌకర్యవంతమైన మరియు సమర్థవంతమైన పట్టణ కార్యకలాపాల కోసం రూపొందించిన రియర్-ఇంజిన్ ఇంట్రా-సిటీ బస్సు-అజురా శ్రేణితో పాటు, టాటా మోటార్స్ యొక్క తదుపరి తరం ఇంటర్మీడియట్ మరియు లైట్-డ్యూటీ ట్రక్కులు ప్రాంతీయ మరియు అంతర్-నగర రవాణా కోసం అభివృద్ధి చేయబడిన వాహనాలను ప్రదర్శించింది.

తమ అంతర్జాతీయ మార్కెట్ల కోసం సంబంధిత, అప్లికేషన్-లీడ్ మొబిలిటీ సొల్యూషన్స్ ను అభివృద్ధి చేయడంపై దృష్టి సారించామని టాటా మోటార్స్ లిమిటెడ్ ఇంటర్నేషనల్ బిజినెస్ హెడ్ ఆసిఫ్ షమీమ్ చెప్పారు. ఇక్కడ సమర్పించిన పోర్ట్ ఫోలియో వివిధ వినియోగ కేసులు, ఆపరేటింగ్ పరిస్థితులకు అనుగుణంగా ఎలక్ట్రిక్ వాహనాలతో సహా విభాగాలలో తాము నిర్మిస్తున్న ఫ్లాట్ ఫామ్ సాంకేతిక పరిజ్ఞానాల శ్రేణిని ప్రదర్శిస్తుందన్నారు. 

ఇది ఈ ఉత్పత్తుల వెనుక ఉన్న ఇంజనీరింగ్ మరియు అభివృద్ధి సామర్థ్యాల బలాన్ని కూడా ప్రతిబింబిస్తుందనీ గుర్తు చేశారు. టాటా మోటార్స్ సబ్-సహారా ఆఫ్రికాలోని 29 దేశాలలో బలమైన పంపిణీ నెట్ వర్క్ మరియు టాటా ఇంటర్నేషనల్, పనాఫ్రిక్ మోటార్స్, కోమ్కో మోటార్స్ మరియు అలైడ్ మోటార్స్ వంటి విశ్వసనీయ ప్రాంతీయ భాగస్వాములతో పనిచేస్తోంది.  ఈ ప్రాంతంలో 3,40,000 కి పైగా వాణిజ్య వాహనాలను విక్రయించడంతో, కంపెనీ నేడు వివిధ కాన్ఫిగరేషన్లలో 60 కి పైగా మోడళ్ల విస్తృత శ్రేణిని అందిస్తుంది. దక్షిణాఫ్రికా, కెన్యా, నైజీరియా, సెనెగల్, ఈజిప్ట్, మొరాకో మరియు ట్యునీషియాతో సహా ఆఫ్రికాలో ఏడు అసెంబ్లీ కార్యకలాపాల ద్వారా తమ బిజినెస్ ను అభివృద్ధి చేసుకుంది.