వనపర్తి ప్రభుత్వ ఆసుపత్రిలో ఉక్కపోత

ఫ్యాన్లు లేక రోగులకు తీవ్ర ఇబ్బందులు

వనపర్తి టౌన్, మే 18 : ఎండల తీవ్రత రోజురోజుకు పెరుగుతున్న నేపథ్యంలో వనపర్తి ప్రభుత్వ ఆసుపత్రికి చికిత్స కోసం వచ్చే రోగులు ఉక్కపోతతో తీవ్ర ఇబ్బందులు పడుతున్నారు. ఆసుపత్రి లో  రేడియోలజి, ఎక్సరే, స్కానింగ్ దగ్గర వేచిచోట్ల సరిపడా ఫ్యాన్లు లేకపోవడంతో రోగులు, వారి బంధువులు చెమటలు కారుస్తూ గంటల తరబడి వేచి ఉండాల్సిన పరిస్థితి ఏర్పడింది. చికిత్స కోసం దూర ప్రాంతాల నుంచి వచ్చే వృద్ధులు, చిన్నారులు ఎక్కువగా ఇబ్బందులు ఎదుర్కొంటున్నారు.  వేసవి తీవ్రత దృష్ట్యా ఆసుపత్రిలో వెంటనే ఫ్యాన్లు ఏర్పాటు చేసి, మరింత సౌకర్యాలు మెరుగుపరచాలని ప్రజలు అధికారులను కోరుతున్నారు.