భక్తి శ్రద్ధలతో ఘనంగా ఎల్లారం పోచమ్మ బోనాలు..

దేవర వినోద్ స్వామి

బెజ్జూర్ ఫిబ్రవరి 5 (విజయ క్రాంతి ): బెజ్జూర్ మండలంలోని మత్తడి స్ప్రింగ్ గానకట్ట సమీపంలో ఎల్లారం పోచమ్మ బోనాలు భక్తిశ్రద్ధలతో ఘనంగా నిర్వహించారు. ఇట్టి బోనాల ఉత్సవానికి ముఖ్య అతిథిగా ఆసిఫాబాద్ జిల్లా రెబ్బన మండలం లోని ఇందిరానగర్ శ్రీ కనక దుర్గాదేవి స్వయంభూ శ్రీ మహంకాళి దేవస్థాన ప్రధాన అర్చకులు దేవార వినోద్ స్వామి ఆధ్వర్యంలో ఎల్లారం పోచమ్మ బోనాల ఊరేగింపు ఆలయం చుట్టూ నిర్వహించారు.

అనంతరం బోనాలను అమ్మవారికి సమర్పించి మొక్కలు చెల్లించుకున్నారు. అనంతరం పోచమ్మ ఆలయంలో ప్రత్యేక పూజలు దేవర వినోద్ స్వామి నిర్వహించి భక్తులకు పూజ చేసే విధానం గురించి భక్తి మార్గం గురించి భక్తులకు పలు సలహాలు సూచనలు తెలిపారు. ఈ కార్యక్రమంలో ఆలయ కమిటీ అధ్యక్షుడు జిల్లాల సుధాకర్ గౌడ్,జాతర నిర్వాహకులు కొండవీటి భాస్కర్ రాజ్, సర్పంచ్ చెండే పద్మ శంకర్, కృష్ణ పల్లి సర్పంచ్ లావణ్య, కొట్రంగి రామకృష్ణ, కేశెట్టి శ్రీనివాస్, గోపాల్, వెంకటి, సామల తిరుపతి, విట్టయ్య భక్తులు పెద్ద ఎత్తున పాల్గొన్నారు.