న్యూఢిల్లీ: మైనింగ్ బిలియనీర్, వేదాంత గ్రూప్ చైర్మన్ అనిల్ అగర్వాల్ పెద్ద కుమారుడు అగ్నివేష్ అగర్వాల్ మృతికి ప్రధానమంత్రి నరేంద్ర మోదీ గురువారం సంతాపం తెలిపారు. తన కొడుకు మరణాన్ని ప్రకటిస్తూ అనిల్ అగర్వాల్ చేసిన పోస్ట్‌కు ప్రధాని స్పందిస్తూ, ఇది తన జీవితంలో చీకటి రోజు అని అభివర్ణించారు. 49 ఏళ్ల అగ్నివేష్ బుధవారం అమెరికాలో స్కీయింగ్ ప్రమాదం నుండి కోలుకుంటున్న సమయంలో గుండెపోటుతో మరణించారు. అగ్నివేష్ అగర్వాల్ అకాల మరణం తీవ్ర దిగ్భ్రాంతికరం, బాధాకరం. ఈ హృదయ స్పర్శి నివాళిలో మీ దుఃఖం లోతు స్పష్టంగా కనిపిస్తుందని ప్రధానమంత్రి తన ఎక్స్ పోస్ట్‌లో రాశారు. అనిల్ అగర్వాల్ కుటుంబానికి నిరంతర బలం, ధైర్యం లభించాలని ప్రార్థిస్తున్నానని కూడా ప్రధానమంత్రి అన్నారు.