అక్షర స్వప్నం

కారుచీకటి గర్భాన్ని 

చీల్చుకుంటూ

ఉదయించిన ఆకాశం 

సాక్షిగా

కలల వాకిట నిలిచిన

ఒక పసివాడి చూపు అది !

ఆకలి తీరని విపణి 

వీధుల్లో

బతుకు బరువుతో 

చిక్కుకున్న వేళ

ముక్కుపచ్చలారని 

ముఖంపై

మురిపెం మెల్లగా 

మాయమైంది !

ఎముకలు కొరుకు 

చలి వణికిస్తున్నా

గుండెల్లో మాత్రం

ఆరిపోని ఒక దీపం

అక్షర స్వప్నం!

ఎదురుచూపుల 

భారంతోసూరీడు 

అస్తమించబోయే వేళ

కన్నీటి సంద్రంలో

ఆశలే ఒడిసిపట్టిన 

పడవలు 

అన్యాయపు రెక్కలు విరిచిన

కాకుల్లేని ఆకాశం కావాలి !

కల్మషం చెరిగిన లోకంలో

స్వేచ్ఛగా గగన 

విహారం చేయాలి

పుస్తకమే ఆయుధమై

చదువే దారిగా మారి

చీకటిని అక్షరాలు 

చెరిపివేసే రోజున

ప్రతి బాల్యం

ఒక కొత్త చరిత్రను 

లిఖించాలి! 

 ఎల్ ఎన్ కొల్లి