హైదరాబాద్: మాజీ కేంద్ర మంత్రి కావూరి సాంబశివరావు(Former Union Minister Kavuri Sambasiva Rao) మృతికి బీఆర్‌ఎస్ వర్కింగ్ ప్రెసిడెంట్ కేటీఆర్(KTR) సంతాపం వ్యక్తం చేస్తూ, ఆయన ఆత్మకు శాంతి చేకూరాలని ప్రార్థించారు. ఆయన మరణం ప్రజలకు తీరని లోటని, మృతుల కుటుంబానికి తన సానుభూతిని తెలిపారు. తెలంగాణ ఉద్యమ సమయంలో వస్త్ర రంగానికి సాంబశివరావు అందించిన మద్దతును కేటీఆర్ ఒక ప్రకటనలో గుర్తు చేసుకున్నారు.

2013లో తెలంగాణ ఉద్యమం తీవ్ర స్థాయిలో ఉన్న సమయంలో, అప్పటి కేంద్ర వస్త్ర మంత్రి కావూరి సాంబశివరావును సిరిసిల్లకు ఆహ్వానించానని తెలిపారు. కీలకమైన సమయంలో మాజీ కేంద్ర మంత్రి ఆ నియోజకవర్గాన్ని సందర్శించి పవర్‌లూమ్ పరిశ్రమకు మద్దతు ఇచ్చారని కేటీఆర్ వెల్లడించారు. కేంద్రమాజీ మంత్రి కావూరు సాంబశివరావు 82 వయసులో(Kavuri Samba Siva Rao) కన్నుమూశారు. స్టార్ ఆస్పత్రిలో చికిత్స పొందుతూ సాంబశివరావు తుదిశ్వాస విడిచారని కుటుంబసభ్యులు ప్రకటించారు. కావూరి సాంబశివరావు పట్ల పలువురు ప్రముఖులు సంతాపం తెలిపారు.