1. దేశంలో ఎరువులకు కొరత లేదు..
2. రైతులకు ఆందోళన అవసరం లేదు..
3. ఎరువుల లభ్యతపై లోక్ సభలో కేంద్రమంత్రి జేపీ నడ్డా

న్యూఢిల్లీ: రైతులకు ఎరువులు అందించడానికి దేశంలో తగినంత నిల్వలు ఉన్నాయని, ఆందోళన చెందాల్సిన అవసరం లేదని రసాయనాలు, ఎరువుల శాఖ మంత్రి జేపీ నడ్డా(Union Minister JP Nadda) పేర్కొన్నారు. పశ్చిమ ఆసియాలో కొనసాగుతున్న యుద్ధం నేపథ్యంలో ఎరువుల లభ్యతను నిర్ధారించడానికి ప్రభుత్వం ఎటువంటి చర్యలు తీసుకుంటోందని లోక్‌సభలో అడిగిన ఒక అనుబంధ ప్రశ్నకు సమాధానమిస్తూ, తాను రాష్ట్ర వ్యవసాయ మంత్రులతో మాట్లాడానని, ఎరువుల లభ్యత గురించి వారికి తెలియజేశానని నడ్డా తెలిపారు.

"రైతులకు అవసరమైనప్పుడుల్లా ఎరువులు అందుబాటులో ఉండేలా ప్రభుత్వం చర్యలు తీసుకుందని దేశ పౌరులకు నేను హామీ ఇస్తున్నాను. మా వద్ద తగినంత నిల్వలు ఉన్నాయి. ఆందోళన చెందాల్సిన అవసరం లేదు," అని మంత్రి పేర్కొన్నారు. ఎరువుల దిగుమతి కోసం ప్రభుత్వం కొత్త మార్కెట్ల వైపు చూస్తోందా అని కాంగ్రెస్ సభ్యుడు మనీష్ తివారీ అడిగిన అనుబంధ ప్రశ్నకు సమాధానంగా, ఖరీఫ్ సీజన్‌కు సరిపడా నిల్వలు ఉన్నాయని నడ్డా తెలిపారు. "మేము కూడా వైవిధ్యీకరణ, కొత్త మార్కెట్లు, కొత్త ప్రాంతాల కోసం చూస్తున్నాము, అక్కడి నుంచే మాకు ఎరువుల కోసం ముడి పదార్థాలు కూడా లభిస్తాయి. ఎరువుల లభ్యతను నిర్ధారించడానికి మేము మా వ్యూహాన్ని రూపొందించుకున్నాము," అని నడ్డా తెలిపారు. నౌకా రవాణా మార్గాలకు అంతరాయం, పశ్చిమ ఆసియా యుద్ధం కారణంగా ఎరువుల దిగుమతులపై ఆందోళనలు పెరిగాయి.