20 June, 2026 | 1:37 AM 
లెబనాన్పై ఇజ్రాయెల్ భీకర యుద్ధం
- 80 లక్ష్యాలపై బాంబుల వర్షం
- దాడుల్లో మొత్తం 25 మంది దుర్మరణం
- 21 మంది హిజ్బుల్లా సభ్యులు, ఐదుగురు ఐడీఎఫ్ సైనికులు మృతి
- లెబనాన్కు భారీ మూల్యం తప్పదన్న ఇజ్రాయెల్ ప్రధాని నెతన్యాహు
బీరుట్, జూన్ 19: ఇజ్రాయెల్ సైన్యం గురువారం రాత్రికి రాత్రే దక్షిణ, తూర్పు లెబనాన్లోని లక్ష్యాలపై ప్రారంభైన దాడు లు శుక్రవారం కూడా కొనసాగాయి. అటు హిజ్బుల్లా ముఠాలు కూడా ఇజ్రాయెల్పై ప్రతీకార దాడులు చేశాయి. ఈ దాడుల్లో మొత్తం 25 మంది మరణించారు. తమ దేశంలో 21 మంది మృతిచెందారని లెబనాన్ ఆరోగ్య మంత్రిత్వ శాఖ చెప్పగా, నలు గురు సైనికులు మరణించినట్లు ఇజ్రాయెల్ పేర్కొంది. లెబనాన్లో 80 లక్ష్యాలను ఛేదించామని, ‘డజన్ల కొద్దీ’ హిజ్బుల్లా సభ్యులను హతమార్చామని ఇజ్రాయెల్ సైన్యం తెలిపింది.
కాల్పుల విరమణ ఒప్పందాన్ని ఉల్లం ఘించాయని ఇటు హిజ్బుల్లా, అటు ఐడీఎఫ్ పరస్పర ఆరోపణలు చేశాయి. అందువల్లే దాడులు చేసినట్లు స్పష్టం చేశాయి. మరోపక్క ఈ తాజా దాడులకు లెబనాన్ భారీ మూల్యం చెల్లించుకోక తప్పదని ఇజ్రాయెల్ ప్రధాని నెతన్యాహు హెచ్చరించారు. ఇజ్రాయెల్, ఇరాన్ మద్దతు ఉన్న హిజ్బుల్లా మధ్య జరిగిన ఈ యుద్ధం.. ఇరాన్, అమెరికా మ ధ్య జరుగుతున్న ఒప్పందాన్ని అత్యంత క్లిష్టంలో పేడసింది. ఈ ఒప్పందంపై ఇజ్రాయెల్ గానీ, ఆ హిజ్బుల్లా సంస్థ గానీ సంత కం చేయలేదు.
కానీ ఇది వారి పోరాటాన్ని ముగించాల్సి ఉండగా, లెబనాన్లోని తన ప్రయోజనాల కోసం, అలాగే తన అత్యంత ముఖ్యమైన ప్రాంతీయ మిత్రదేశం కోసం ఈ ప్రాంతంలో మళ్లీ యుద్ధాన్ని ఎదుర్కోవడానికి సిద్ధంగా ఉన్నట్లు ఇరాన్ సంకేతాలు ఇచ్చింది. దక్షిణ లెబనాన్లోని నబాటియే నగరానికి సమీపంలో ఉన్న ఒక గ్రామంలో ట్యాంకర్పై జరిగిన దాడిలో లెఫ్టినెంట్ కల్నల్తో సహా తమ నలుగురు సైనికులు మరణించారని, శుక్రవారం కూడా దాడులు కొనసాగుతున్నాయని ఇజ్రాయెల్ సైన్యం తెలిపింది.
ఒక పేలుడు డ్రోన్ దాడిలో మరో ఐదుగురు గాయపడ్డారని కూడా తెలిపింది. ఆ తర్వాత, నబాటియే, ఇతర ప్రాంతాలలో ఉన్న హిజ్బుల్లా మౌలిక సదుపాయాల స్థావరాలపై ఇజ్రాయెల్ పలు దాడులు చేసింది. ఈ మిలిటెంట్ గ్రూప్ బహిరంగ కాల్పుల విరమణ ఉల్లంఘనలకు పాల్పడిందని ఆరోపించింది. తరువాత, తూర్పు లెబనాన్లోని బెకా లోయలో కూడా లక్ష్యాలపై దాడి చేసినట్లు ఐడీఎఫ్ సైన్యం తెలిపింది.
ఇజ్రాయెల్ రక్షణ దళాలు (ఐడీఎఫ్ సైన్యం) లెబనాన్లోని భద్రతా మండలం లోపల, వెలుపల ఉన్న నబాటియే ప్రాంతం, దక్షిణ లెబనాన్లోని ఇతర ప్రాంతాలలో 80కి పైగా కమాండ్ సెంటర్లు, ఉగ్రవాదులు, ప్రయోగ స్థానాలు, అదనపు ఉగ్రవాద మౌలిక సదుపాయాల స్థావరాలపై దాడి చేశామని తెలిపింది. అంతేకాకుండా, ఈ దాడుల సమయంలో కమాండ్ సెంటర్లలో పనిచేస్తున్న డజన్ల కొద్దీ హిజ్బుల్లా ఉగ్రవాదులు హతమయ్యారని పేర్కొంది.
ఈ దాడులకు హిజ్బుల్లా నుంచి చాలా భారీ మూల్యం వసూలు చేస్తుంది’ అని ఇజ్రాయెల్ ప్రధానమంత్రి బెంజమిన్ నెతన్యాహు శుక్రవారం ఒక ప్రకటనలో తెలిపారు. ఇజ్రాయెల్ వెనక్కి తగ్గాలని ఇరాన్ పట్టుబట్టగా, ‘ఇజ్రాయెల్ భద్రతా అవసరాలు కోరినంత కాలం’ తమ బలగాలు దక్షిణ లెబనాన్లో ‘భద్రతా మండలం‘లోనే ఉంటాయని స్పష్టం చేశారు. ఇజ్రాయెల్ ట్యాంకులను లక్ష్యంగా చేసుకున్నట్లు హిజ్బుల్లా అంగీకరించింది.
కాల్పుల విరమణను ఇజ్రాయెల్ స్వయంగా ఉల్లంఘించిందని, దానికి ప్రతిస్పందనగానే తమ దాడులు జరిగాయని పేర్కొంది. నబాతియే నగరాన్ని పర్యవేక్షించే వ్యూహాత్మక ప్రదేశమైన అలీ అల్-తాహెర్ కొండ ఉత్తర భాగానికి చేరుకోవడానికి ఇజ్రాయెల్ దళాలు ప్రయత్నించిన తర్వాత ఈ దాడులు జరిగాయని ఆ నివేదిక పేర్కొంది.
ఆ ప్రదేశాన్ని ఇజ్రాయెల్ సైనికులు స్వాధీనం చేసుకోవడానికి ప్రయత్నిస్తున్నారు. దక్షిణ లెబనాన్లో ఇజ్రాయెల్ దాడుల కారణంగా చాలా మంది తమ గ్రామాలను విడిచి పారిపోయారు. టైర్ నగరం భీకర దాడులతో మార్మోగింది. ఈ పోరాటం కొత్తగా కుదిరిన ఒప్పందాన్ని విచ్ఛిన్నం చేసే ప్రమాదం ఉంది.
