న్యూఢిల్లీ: ఇరాక్‌లోని బాస్రా సమీపంలో అమెరికాకు చెందిన ఆయిల్ ట్యాంకర్‌పై(US oil tanker) జరిగిన దాడిలో ఆ నౌకలోని భారతీయ సిబ్బంది ఒకరు మరణించారు. ఇరాక్‌లోని భారత రాయబార కార్యాలయం మరణాన్ని ధృవీకరిస్తూ, ఓడలోని మరో 15 మంది భారతీయ సిబ్బందిని పరీక్షించినట్లు తెలిపింది. గత కొన్ని రోజులుగా పెర్షియన్ గల్ఫ్‌లోని వాణిజ్య నౌకలను ఇరాన్ సైన్యం లక్ష్యంగా చేసుకుంది. దాడిలో భారతీయ జాతీయుడిని కోల్పోయిన వార్త తెలిసి కంపెనీ తీవ్ర దిగ్భ్రాంతికి గురైందని సఫెసియాకు సన్నిహిత వర్గాలు తెలిపాయి.

పశ్చిమాసియా వివాదం పెరుగుతున్న నేపథ్యంలో భారత ప్రభుత్వం(Government of India) ఈ దాడిని తీవ్రంగా ఖండించాలని, ఈ ప్రాంతంలోని నౌకల్లోని సిబ్బంది భద్రతను నిర్ధారించడానికి తక్షణ చర్యలు తీసుకోవాలని పిలుపునిచ్చారు. ప్రపంచవ్యాప్తంగా నావికులలో భారతీయులు 15శాతం కంటే ఎక్కువ మంది ఉన్నందున, ఇరాన్ ఏ నౌకను లక్ష్యంగా చేసుకున్నా, భారతీయ పౌరులు నష్టం పొందుతారని ఆ వర్గాలు ఆందోళన వ్యక్తం చేశాయి.

మార్చి 11, 2026న, మార్షల్ దీవుల జెండా కింద ప్రయాణిస్తున్న అమెరికాకు చెందిన ముడి చమురు ట్యాంకర్ సఫేసియా విష్ణుపై ఇరాక్‌లోని బాస్రా సమీపంలో దాడి జరిగింది. దీనిలో ఒక భారతీయ సిబ్బంది దురదృష్టవశాత్తు ప్రాణాలు కోల్పోయారు. మిగిలిన 15 మంది భారతీయ సిబ్బందిని సురక్షిత ప్రదేశానికి తరలించారు.