నిడుబ్రోలు రైల్వే ట్రాక్‌పై కాల్పుల కలకలం

పది రౌండ్లు కాల్పులు జరిపిన జీఆర్పీ పోలీసులు

పారిపోయిన అనుమానాస్పద వ్యక్తులు

విజయవాడ: గుంటూరు జిల్లా పొన్నూరు మండలం నిడుబ్రోలు రైల్వే స్టేషన్ సమీపంలోని ఆలూరు రైల్వే గేటు వద్ద మంగళవారం తెల్లవారుజామున రైళ్లను ఆపి ప్రయాణికులను దోచుకునే ఉద్దేశంతో రైల్వే సిగ్నళ్లను తారుమారు చేయడానికి ప్రయత్నించినట్లు ఆరోపణలు ఎదుర్కొంటున్న ఇద్దరు అనుమానితులపై ప్రభుత్వ రైల్వే పోలీసులు 10 రౌండ్ల కాల్పులు(Gunfire Chaos) జరిపారు.

అనుమానాస్పద వ్యక్తులు జీఆర్పీ పోలీసులపై రాళ్లు రువ్వారు. GRP DSP అకేశ్వర రావు తెలిపిన వివరాల ప్రకారం, రైళ్లను అడ్డగించి ప్రయాణికులను దోచుకునే ఘటనలు తరచుగా జరుగుతుండటంతో, సిబ్బంది రాత్రి వేళల్లో కట్టుదిట్టమైన నిఘా ఉంచారు. విద్యుత్ తీగలను కోయడానికి ఉద్దేశించిన పనిముట్లు, ఇతర పరికరాలను మోసుకెళ్తున్న ఇద్దరు వ్యక్తులు అనుమానాస్పద రీతిలో వారికి కనిపించారు.

GRP సిబ్బంది వారిని పట్టుకోవడానికి ప్రయత్నించినప్పుడు, ఆ అనుమానితులు పోలీసులపై రాళ్లు రువ్వినట్లు ఆరోపణలు ఉన్నాయి. అనంతరం GRP సిబ్బంది 10 రౌండ్ల కాల్పులు జరిపారు. ఆ తర్వాత అనుమానితులు చీకటి మాటున పారిపోయారు. పొన్నూరు పోలీసులు ఒక కేసు నమోదు చేశారు. అనుమానితులను గుర్తించి పట్టుకోవడానికి ప్రత్యేక బృందాలను ఏర్పాటు చేశారు.

గుంటూరు రూట్ లో తరుచూ రైళ్లలో చోరీలు జరుగుతున్నాయి. సిగ్నల్ ట్యాంపర్ చేసి దొంగలు రైళ్లను ఆపుతున్నారు. తర్వాత ప్రయాణికుల నుంచి బంగారం, నగదు లాక్కుని పారిపోతున్నారు. నెల కిందట ఇదే రూట్ లో రైలు ఆపి 5 కోచ్ లలో దోపిడీ చేశారు. ఇవాళ గస్తీ బృందాలకు దొంగల ముఠా ఎదురుపడ్డారు. కాల్పులు జరిపిన జీఆర్పీఎఫ్.. పరారైన దొంగలు.  ఆలూరు రైల్వేగేట్ సమీపంలో కాల్పులు జరిపారు. రైల్వే సిగ్నల్ దగ్గర కట్టర్లు పట్టుకుని వ్యక్తులు తిరుగుతున్నారు.