హైవేపై ఘోర రోడ్డు ప్రమాదం: ఐదుగురు మృతి

నర్మదాపురం: మధ్యప్రదేశ్‌లోని నర్మదాపురం జిల్లాలో సోమవారం తెల్లవారుజామున ఒక వివాహ ఊరేగింపులో భాగమైన ఒక SUV వాహనం ట్రాక్టర్‌ను ఢీకొనడంతో ఐదుగురు మృతి చెందగా, మరో ఏడుగురు గాయపడ్డారని పోలీసులు తెలిపారు. పోలీసులు తెలిపిన కథనం ప్రకారం... మఖన్నగర్ పోలీస్ స్టేషన్ పరిధిలోని అచల్‌ఖేడ గ్రామం సమీపంలో తెల్లవారుజామున 2 గంటల ప్రాంతంలో ఒక టవేరా వాహనం వెనుక నుండి ట్రాలీని ఢీకొనడంతో ఐదుగురు రోడ్డు ప్రమాదంలో మరణించారు.

బుధ్నిలో జరిగిన ఒక వివాహ వేడుక నుండి మృతులు తిరిగి వస్తుండగా, వేగంగా వస్తున్న వాహనం ఈ ప్రమాదానికి గురై పూర్తిగా నుజ్జునుజ్జు అయింది. దీంతో అందులో ప్రయాణిస్తున్న ఐదుగురు అక్కడికక్కడే మరణించారు. మృతులందరూ మఖన్నగర్ ప్రాంతంలోని మహేంద్రవాడి నివాసులుగా తెలిసింది. పోలీసులు, అత్యవసర సేవల సిబ్బంది ఘటనా స్థలానికి చేరుకుని, మృతదేహాలను పోస్ట్‌మార్టం కోసం పంపించి, ప్రమాదానికి గల కారణాలపై దర్యాప్తు ప్రారంభించారు.