బీహార్‌లో రోడ్డుప్రమాదం: ఐదుగురు మృతి

పాట్నా: బీహార్‌లోని సుపాల్ జిల్లాలో(Supaul District) ఘోర రోడ్డు ప్రమాదం జరిగింది. వేగంగా దూసుకొచ్చిన అదుపుతప్పిన కారు ప్రజలను ఢీకొట్టడంతో కనీసం ఐదుగురు మరణించగా, మరొకరు గాయపడ్డారని అధికారులు బుధవారం తెలిపారు. సుపౌల్-పిప్రా ప్రధాన రహదారిపై ఉన్న బజరంగబలి ఆలయం వద్ద మంగళవారం రాత్రి ఈ ఘటన జరిగిందని, 'ఝూలన్' పండుగ సందర్భంగా నిర్వహించే ఆచారాల కోసం అక్కడ గ్రామస్తుల బృందం ఒకచోట చేరిందని పోలీసులు తెలిపారు. మంగళవారం రాత్రి సుమారు 8 గంటల సమయంలో, ఆలయం సమీపంలో రోడ్డు పక్కన నిలబడి ఉన్న ఆరుగురిపై వేగంగా వచ్చిన ఒక వాహనం దూసుకెళ్లింది. వారిలో ఐదుగురు మరణించగా, ఒకరు ఆసుపత్రిలో చికిత్స పొందుతున్నారని పిప్రా ఎస్‌హెచ్‌ఓ కిషోర్ కుమార్ తెలిపారు.