ఘట్ కేసర్,(విజయక్రాంతి): బీఆర్ఎస్ ప్రభుత్వ హయాంలోనే క్రీడాకా రులకు తగిన ప్రోత్సాహం లభించిందని ఘట్ కేసర్ సర్కిల్ బీఆర్ఎస్ పార్టీ ప్రధాన కార్యదర్శి పన్నాల కొండల్ రెడ్డి అన్నారు. ఎదులాబాద్ డివిజన్ పరిధి మర్రిపల్లిగూడలో జరుగుతున్న ఎంపీఎల్ సీజన్-6 క్రికెట్ క్రీడా  పోటీలు ముగిశాయి. మల్లారెడ్డి సేవా ట్రస్టు సౌజన్యంతో నిర్వహించిన ఈ క్రికెట్ పోటీల్లో ఫైనల్ మ్యాచ్ లో విజయం సాధించిన జట్టుకు నగదు బహుమతితో పాటు ఆకర్షణీయ ట్రోఫీలను కొండల్ రెడ్డి చేతుల మీదుగా అందజేశారు.

గ్రామీణ స్థాయిలో ఇలాంటి క్రీడా పోటీలు యువతలో క్రీడాస్ఫూర్తిని పెంపొందిస్తాయని ఆయన పేర్కొన్నారు. బీఆర్ఎస్ ప్రభుత్వం క్రీడాకారులను ప్రోత్సహించేందుకు పలు సంక్షేమ కార్యక్రమాలు చేపట్టింన విషయాన్ని సందర్భంగా గుర్తు చేశారు. భవిష్యత్తులో మరింత మంది యువకులు క్రీడల్లో రాణించి రాష్ట్రానికి, దేశానికి పేరు తీసుకురావాలని ఆకాంక్షించారు. ఈ కార్యక్రమంలో బిఆర్ఎస్ మండల పార్టీ అధ్యక్షులు నాగులపల్లి రమేష్, అవుషాపూర్ మాజీ ఉప సర్పంచ్ ఐలయ్య యాదవ్, మర్పల్లిగూడ బీఆర్ఎస్ అధ్యక్షుడు లక్ష్మణ్, మాజీ ఎంపీటీసీలు కృష్ణమూర్తి, మంకం రవి, మాజీ వార్డు సభ్యులు వీరేశం, బొడిగే శ్రీనివాస్, క్రీడాకారులు నర్సింహ, యాదయ్య, ఆనంద్ తదితరులు పాల్గొన్నారు.