సీఎం విజయ్ సంచలన నిర్ణయం.. పాల ధర పెంపు

చెన్నై: తమిళనాడు ముఖ్యమంత్రి సి. జోసెఫ్ విజయ్(CM Vijay) బుధవారం నాడు 'ఆవిన్' (Aavin) పాల సేకరణ ధరను లీటరుకు రూ. 38 నుంచి రూ. 41కి పెంచుతున్నట్లు ప్రకటించారు. రాష్ట్రం ఆర్థిక ఇబ్బందులను ఎదుర్కొంటున్నప్పటికీ, పాల ఉత్పత్తిదారుల సంక్షేమం, జీవనోపాధిని దృష్టిలో ఉంచుకుని, అలాగే వారి శ్రమకు తగిన ధరను కల్పించే ప్రయత్నంలో భాగంగా, పాల సేకరణ ధరను పెంచాలని రాష్ట్ర ప్రభుత్వం నిర్ణయించిందని సీఎం విజయ్ తెలిపారు. ప్రభుత్వ ఆధ్వర్యంలోని 'ఆవిన్' (Aavin) సంస్థకు చెందిన ప్రాథమిక పాల సహకార సంఘాల ద్వారా సేకరించే పాల కొనుగోలు ధరను రూ. 38 నుండి రూ. 41కి పెంచనున్నారు. ఇందులో లీటరుకు రూ. 3 చొప్పున ప్రభుత్వ ప్రోత్సాహకం కూడా కలిసి ఉంటుంది. అసెంబ్లీలో 110వ నిబంధన కింద ప్రకటన చేస్తూ, ఈ నిర్ణయం వల్ల 3.16 లక్షల మందికి పైగా పాల ఉత్పత్తిదారులు లబ్ధి పొందుతారని ముఖ్యమంత్రి ప్రకటించారు.