గుండాల, మార్చి 27 (విజయక్రాంతి): తెలంగాణ రాష్ట్ర వ్యాప్తంగా అన్ని జిల్లాల్లోని 108 జిల్లా మేనేజర్ (ఈఎంఈ) ఖాళీ పోస్టులను భర్తీ చేసేందుకు విద్యావంతుల నుండి భారీగా దరఖాస్తులను ఆహ్వానించడం జరుగుతుందని ఉమ్మడి ఖమ్మం, కొత్తగూడెం, మహబూబాబాద్ జిల్లాల ప్రోగ్రాం మేనేజర్ నజీరుద్దీన్ శుక్రవారం ఒక ప్రకటనలో తెలిపారు.

బీటెక్ మెకానికల్ పూర్తి చేసి, ఆటో మొబైల్ రంగంలో మూడేళ్ల అనుభవం ఉన్నవారు ఈ పోస్టుకు అర్హులని ఆయన పేర్కొన్నారు. ఆసక్తి గల అభ్యర్థులు, వైద్యశాఖ వృత్తిలో వైద్య సేవలను అందించడం, మానవతా దృక్పథంతో ముందుకు వచ్చే విజ్ఞాన విద్యవంతులు దరఖాస్తు చేసుకోవాలని ఆయన సూచించారు. మరిన్ని వివరాల కోసం 9550520402 నెంబరును సంప్రదించాలని, అర్హులైన వారు ఈ అవకాశాన్ని సద్వినియోగం చేసుకోవాలని ఆయన ఈ సందర్భంగా కోరారు.