రేపు అప్పారావుపేట పామ్ ఆయిల్ ఫ్యాక్టరీ ఓపెన్

దమ్మపేట, ఏప్రిల్ 15 (విజయ క్రాంతి): జనవరి 21వ తేదీ నుండి వార్షిక మెయింటెనెన్స్ కొరకు పామ్ ఆయిల్ గెలలు అప్పారావుపేట ఫ్యాక్టరీలో స్వీకరించబడ లేదు. రెండు టన్నులకు పైన గెలలను ఇప్పటి వరకు అశ్వారావుపేట ఫ్యాక్టరీకి తరలించారు. అప్పారావుపేట ఫ్యాక్టరీ మెయింటెనెన్స్ పూర్తయి ఎప్రిల్ 16వ తేదీ గురువారం నుండి యధావిధిగా పామ్ ఆయిల్ గెలలు అప్పారావుపేట ఫ్యాక్టరీలో దిగుమతి చేసుకోవడం జరుగుతుందని, రైతులు పామ్ ఆయిల్ గెలలు ఫ్యాక్టరీకి తరలించి ఫ్యాక్టరీ, రైతుల అభివృద్ధికి సహకరించాలని అప్పారావుపేట పామ్ ఆయిల్ ఫ్యాక్టరీ మేనేజర్, అశ్వారావుపేట ఫ్యాక్టరీ డిప్యూటీ మేనేజర్, భద్రాద్రి కొత్తగూడెం, ఖమ్మం జిల్లాల డివిజనల్ అధికారులు ఒక ప్రకటనలో తెలిపారు.