హైదరాబాద్: జూబ్లీహిల్స్ మాజీ ఎమ్మెల్యే, దివంగత మగంటి గోపీనాథ్(Former MLA Maganti Gopinath) కుమార్తెలు అక్షర నాగ్, శిశిర  నార్సింగి వద్ద ఔటర్ రింగ్ రోడ్డు (Outer Ring Road) పై జరిగిన రోడ్డు ప్రమాదంలో స్వల్ప గాయాలకు గురై, ప్రస్తుతం  కోలుకుంటున్నారు. పోలీసుల ప్రకారం, ఆ యువతి, ఆమె ఇద్దరు స్నేహితులు శంషాబాద్ విమానాశ్రయం నుండి గచ్చిబౌలి వైపు ప్రయాణిస్తుండగా ఈ ఘటన చోటుచేసుకుంది.

నార్సింగి మార్గంలో ప్రయాణిస్తుండగా వారి ఫార్చ్యూనర్ కారు టైర్ ఊడిపోవడంతో ముందు వెళ్తున్న ఒక డీసీఎం వ్యాన్‌ను ఢీకొట్టింది. కారులో ప్రయాణిస్తున్న నలుగురూ గాయపడగా, అక్షర, సిసిర స్వల్ప గాయాలతో బయటపడ్డారు. వారిని తక్షణమే చికిత్స నిమిత్తం సమీపంలోని ఆసుపత్రికి తరలించారు. ప్రస్తుతం వారి పరిస్థితి నిలకడగా ఉన్నట్లు పోలీసులు తెలిపారు.

శంషాబాద్ విమానాశ్రయంలో ఒకరిని దింపి తిరిగి వస్తుండగా ఈ ప్రమాదం జరిగింది. నార్సింగి పోలీసులు, ఓఆర్ఆర్ పెట్రోలింగ్ సిబ్బంది ఘటనా స్థలానికి చేరుకుని, క్షతగాత్రులను ఆసుపత్రికి తరలించారు. డీసీఎం, కారును క్రేన్ల సహాయంతో రోడ్డు పక్కకు తరలించారు. పోలీసులు ఆ ప్రమాదానికి అతివేగాన్ని కారణంగా పేర్కొన్నారు. ఈ  ఘటనపై బీఎన్ఎస్ లోని సెక్షన్ 125 (A) కింద ఒక కేసు నమోదు చేసినట్లు పోలీసులు తెలిపారు.