న్యూఢిల్లీ: యూనియన్ పబ్లిక్ సర్వీస్ కమిషన్ యూపీఎస్సీ సీఎస్ఈ ఫలితాలను(UPSC Civil Services Exam Results) 2026ను విడుదల చేసింది. సివిల్ సర్వీసెస్ పర్సనాలిటీ రౌండ్‌కు హాజరైన అభ్యర్థులు యూపీఎస్సీ అధికారిక వెబ్‌సైట్ upsc.gov.in ద్వారా మెరిట్ జాబితాను తనిఖీ చేయవచ్చు. యూపీఎస్సీ సివిల్స్ పరీక్ష ఫలితాల్లో అనూజ్ అగ్నిహోత్రిని(Anuj Agnihotri) మొదటి ర్యాంకు వరించింది.

సివిల్స్ ఫలితాల్లో రాజేశ్వరి సువేకు( Rajeshwari Suve M) రెండో ర్యాంకు, ఆకాన్ష్ ధుల్ కు మూడో ర్యాంకు, రాఘవ్ ఝన్ ఝన్  వాలకు నాలుగో ర్యాంకు, సృజనకు 55 ర్యాంకు, సివిల్స్ ఫలితాల్లో డీఎస్ కే ప్రచేత్ కు 193వ ర్యాంకు, ఎస్ వర్షిత్ రెడ్డికి 259వ ర్యాంకు ఎం. పవన్ కుమార్ రెడ్డికి 297వ ర్యాంకు, గుమ్మల శ్వేతకు 573వ ర్యాంకు, వెలిమినేటి విక్రమ సింహారెడ్డికి 682వ ర్యాంకు, పోతురెడ్డికి భార్గవ్ కు 738వ ర్యాకు, పుడారి రాహుల్ కు 748వ ర్యాంకు, అనిరుద్ధ్ కత్తిమాని 786వ ర్యాంకు, కోరపోతుల శ్రీకర్ రాజుకు 806వ ర్యాంకు వచ్చింది.

యూపీఎస్సీ  సివిల్ సర్వీసెస్ మెయిన్ పరీక్ష ఫలితాలు నవంబర్ 2025లో ప్రకటించబడ్డాయి. మెయిన్ పరీక్ష ఆగస్టు 22 నుండి ఆగస్టు 31, 2025 వరకు జరిగింది. ఈ పరీక్షలో అర్హత సాధించిన అభ్యర్థులను ఇండియన్ అడ్మినిస్ట్రేటివ్ సర్వీస్, ఇండియన్ ఫారిన్ సర్వీస్, ఇండియన్ పోలీస్ సర్వీస్, ఇతర సెంట్రల్ సర్వీసెస్ (గ్రూప్ ‘ఎ’, గ్రూప్ ‘బి’) ఎంపిక కోసం పర్సనాలిటీ టెస్ట్ (ఇంటర్వ్యూ) కు పిలుస్తారు. మెయిన్ పరీక్ష మార్కులు ఫిబ్రవరి 6, 2026న విడుదలయ్యాయి. ఇంటర్వ్యూ డిసెంబర్ 2025- జనవరి 2026లో రెండు దశల్లో జరిగింది. మరిన్ని సంబంధిత వివరాల కోసం, అభ్యర్థులు యూపీఎస్సీ  అధికారిక వెబ్‌సైట్‌ను తనిఖీ చేయవచ్చు.

యూపీఎస్సీ సీఎస్ఈ ఫలితాలు 2026: ఎలా తనిఖీ చేయాలి..?

తుది ఫలితాలను తనిఖీ చేయడానికి, అభ్యర్థులు క్రింద ఇవ్వబడిన దశలను అనుసరించవచ్చు.

యూపీఎస్సీ  అధికారిక వెబ్‌సైట్ upsc.gov.in ని సందర్శించండి.

2. హోమ్ పేజీలో అందుబాటులో ఉన్న UPSC CSE ఫలితం 2026 లింక్‌పై క్లిక్ చేయండి.

3. అభ్యర్థులు లాగిన్ వివరాలను నమోదు చేయాల్సిన కొత్త పేజీ తెరవబడుతుంది.

4. సబ్మిట్ పై క్లిక్ చేయండి, మీ ఫలితాలు కనబడతాయి.

5. ఫలితాన్ని తనిఖీ చేసి డౌన్‌లోడ్ చేసుకోండి.

6. తదుపరి అవసరాల కోసం దాని హార్డ్ కాపీని మీ వద్ద ఉంచుకోండి.