హైదరాబాద్: కామారెడ్డి జిల్లా(Kamareddy) మద్నూర్ మండలంలోని మెనూరు గ్రామంలో ఆగి ఉన్న ఒక ట్రక్కును భైకు ఢీకొనడంతో జరిగిన రోడ్డు ప్రమాదంలో(Road Accident) ముగ్గురు వ్యక్తులు మృతి చెందారు. మృతులను పెద్ద ఎక్లారా గ్రామానికి చెందిన సచిన్, అశోక్, నాగ్ గా గుర్తించారు. ఢీకొన్న తీవ్రత కారణంగా ఆ ముగ్గురూ అక్కడికక్కడే మరణించారు. మృతులు కూలీ పనునలు చేసుకుని తమ నివాసాలకు వెళ్తుండగా ఈ దుర్ఘటన చోటుచేసుకున్నట్లు తెలుస్తోంది. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసి మృతదేహాలను పోస్టుమార్టు నిమిత్తం మార్చురీకి తరలించారు.