వోగ్ ఐవేర్ అంబాసిడర్స్ గా షాహిద్ కపూర్, కృతి సనన్

ముంబై ఃప్రముఖ స్టైలిష్ ఐవేర్ కంపెనీ వోగ్ తమ బ్రాండ్ ప్రమోషన్స్ పై ఫోకస్ పెట్టింది. ఈ సుప్రసిద్ధ బ్రాండ్ కు ఇప్పటికే బాలీవుడ్ స్టార్ షాహిద్ కపూర్ బ్రాండ్ అంబాసిడర్ గా వ్యవహరిస్తున్నాడు. ఇప్పుడు షాహిద్ కపూర్ తో పాటు బాలీవుడ్ స్టార్ హీరోయిన్ కృతి సనన్ కూడా వోగ్ ఐవేర్ బ్రాండ్ కు బ్రాండ్ అంబాసిడర్ గా ఎంపికైంది. వ్యక్తిత్వం, ఆత్మవిశ్వాసం మరియు స్వీయ వ్యక్తీకరణకు విలువనిచ్చే కొత్త తరం తన అనుబంధాన్ని మరింత బలపరుస్తూ, వోగ్ బ్రాండ్ తన తాజా ప్రచార కార్యక్రమం ‘వోగ్ ఐవేర్ జర్నీస్’ను ఆవిష్కరించింది.

ఇది ఫ్యాషనబుల్, రిలేటబుల్ మరియు ఆలోచనాత్మకమైనదిగా రూపొందింది. పాన్ ఇండియా హీరోయిన్ గా పేరు తెచ్చుకున్న  కృతి సనన్, వోగ్ ఐవేర్‌కు బ్రాండ్ కు సరికొత్త లుక్ తీసుకొచ్చారు. తన అద్వితీయమైన వ్యక్తిగత శైలికి మరియు ఫ్యాషన్ పట్ల అవగాహన ఉన్న యువతరం ప్రేక్షకులతో బలమైన అనుబంధానికి ప్రసిద్ధి చెందిన ఆమె తమ బ్రాండ్ ను మరింత ముందుకు తీసుకెళుతారని వోగ్ భావిస్తోంది.

ఫ్యాషన్ అనేది స్థిరమైనది కాదు. అది ఎప్పటికప్పుడు మారుతూ ఉంటుంది. అది మన ఆలోచనా ధోరణి ప్రతిబింబించే ఒక ప్రయాణం అనే ఆలోచన ఆధారంగా, ఈ క్యాంపెయిన్ ను రూపొందించారు. వోగ్ ఐవేర్ ట్రెండీగా, చాలా విభిన్నంగా ఉంటుంది. ఇది నా వ్యక్తిగత స్టైల్ కు సరిగ్గా సరిపోతుంది. మన వ్యక్తిత్వంలో కొత్త కోణాలను అన్వేషిస్తూ, నిరంతరం మనల్ని మనం పునరావిష్కరించుకోవడాన్ని తెలియజేసే వారి తాజా క్యాంపెయిన్ లో పాలుపంచుకోవడం నాకు చాలా ఉత్సాహంగా ఉంది. ఈ క్యాంపెయిన్, సెల్ఫ్ డిస్కవరీ ప్రయాణాన్ని మరియు స్వీయ-వ్యక్తీకరణలో శైలి ఎలా కీలక పాత్ర పోషిస్తుందో అద్భుతంగా చిత్రీకరిస్తుందని కృతి సనన్ అన్నారు.

"వోగ్ ఐవేర్‌తో నా ప్రయాణంలో నేను ఎల్లప్పుడూ మెచ్చుకునే విషయం ఏమిటంటే, అది నా సొంత స్టైల్ తో ఎంత సహజంగా సరిపోతుందో... సహజత్వంతో, నిరంతరం మారుతూ, వ్యక్తిగతంగా ఉంటుంది. ఈ క్యాంపెయిన్ ఆ స్ఫూర్తిని ప్రతిబింబిస్తుంది. కృతి ఈ బ్రాండ్‌లో చేరడం ఒక కొత్తదనాన్ని జోడిస్తుంది; ఆమెకున్న బలమైన, వ్యక్తిగత దృక్కోణం దీనికి చక్కగా సరిపోతుందని షాహిద్ కపూర్ అన్నారు. నెట్ వర్క్ అడ్వర్టైజింగ్ రూపకల్పనలో రూపొందిన ఈ క్యాంపెయిన్ కార్యక్రమానికి, ఎమ్మీ పురస్కార నామినేషన్ పొందిన సూరజ్ వన్వారి దర్శకత్వం వహించారు. ప్రముఖ ఛాయాగ్రాహకుడు ప్రసాద్ నాయక్ దీనిని చిత్రీకరించారు.