ఏటీఎంలో వ్యక్తి మృతదేహం.. మసబ్ ట్యాంక్‌లో కలకలం

హైదరాబాద్: మసబ్ ట్యాంక్‌(Masab Tank) విజయనగర్ కాలనీలోని హెచ్‌డీఎఫ్‌సీ బ్యాంక్ ఏటీఎంలో గురువారం 35 ఏళ్ల వయసున్న ఒక గుర్తుతెలియని వ్యక్తి అనుమానాస్పద స్థితిలో మృతిచెంది కనిపించాడు. బ్యాంకు వినియోగదారులు కియోస్క్ వద్దకు వచ్చి, ముక్కు నుండి రక్తం కారుతున్న స్థితిలో ఉన్న మృతదేహాన్ని గమనించడంతో ఈ ఘటన వెలుగులోకి వచ్చింది. అతను మద్యం మత్తులో ఉన్నట్లు గుర్తించారు. అందిన సమాచారం ఆధారంగా, పోలీసులు మృతదేహాన్ని గుర్తించడం , పోస్టుమార్టం నిమిత్తం ఉస్మానియా జనరల్ హాస్పిటల్ (Osmania General Hospital) మార్చురీకి తరలించారు. వ్యక్తి ఉక్కిరిబిక్కిరై మృతి చెందాడా లేదా హత్య జరిగిందా? అనే కోణంలో మెహిదీపట్నం పోలీసులు దర్యాప్తు చేస్తున్నారు. అసలు ఏం జరిగిందో తెలుసుకోవడానికి, ATM కేంద్రంలో అమర్చిన నిఘా కెమెరాల దృశ్యాలను పరిశీలిస్తున్నట్లు పోలీసులు తెలిపారు.