చాకలి ఐలమ్మ, రుద్రమదేవి స్ఫూర్తితో మహిళలు ముందుకు సాగాలి

ఎమ్మెల్యే కనకయ్య 

ఇల్లందు టౌన్, మార్చి 8, (విజయక్రాంతి): అంతర్జాతీయ మహిళా దినోత్సవం సందర్భంగా ఇల్లందులోని ఎమ్మెల్యే క్యాంపు కార్యాలయంలో వేడుకలు నిర్వహించారు. ఈ కార్యక్రమానికి ఎమ్మెల్యే కోరం కనకయ్య ముఖ్య అతిథిగా హాజరై మహిళలతో కలిసి కేక్ కట్ చేసి శుభాకాంక్షలు తెలిపారు.

ఈ సందర్భంగా ఆయన మాట్లాడుతూ చాకలి ఐలమ్మ, రుద్రమదేవి వంటి వీరనారులు ధైర్యసాహసాలతో చరిత్రలో నిలిచారని, వారి స్ఫూర్తితో మహిళలు అన్ని రంగాల్లో ముందుకు సాగాలని అన్నారు. మహిళల సాధికారత కోసం ప్రభుత్వం పలు సంక్షేమ పథకాలు అమలు చేస్తోందని తెలిపారు. కార్యక్రమంలో మున్సిపల్ చైర్మన్ దొడ్డ కిరణ్ మిత్ర, మహిళా కౌన్సిలర్లు, సర్పంచులు, వార్డు సభ్యులు తదితరులు పాల్గొన్నారు.